Bıyl - alashtyń atyn eń alǵashqylardyń qatarynda tórtkúl dúnıege tanytqan uly ánshi, akter Ámire Qashaýbaevtyń dúnıege kelgenine 130 jyl. О́nerpazdyń mereıli mereıtoıy jýyqta týǵan jeri – Shyǵys Qazaqstanda, oblys ortalyǵy - О́skemende keń kólemde birqatar taǵylymdy sharalarmen atalyp ótti.
17-21 qazan aralyǵynda Mádenıet jáne sport mınıstrligi men oblys ákimdiginiń birlesýimen Astana qalasynyń 20 jyldyǵy aıasynda uıymdastyrylǵan Ámire Qashaýbaev atyndaǵy respýblıkalyq festıvalge 34 jas dástúrli ánshi qatysty.
Bes kúnge sozylǵan shara 17 qazanda О́skemendegi «Iýbıleınyı» kınoteatrynda «Ámire» kórkem fılminiń kórsetiliminen bastaldy. Kórsetilimge fılmde dańqty tulǵanyń rólin oınaǵan Sanjar Mádıevtiń ózi de Astanadan arnaıy keldi. Al 18-20 qazan kúnderi Qazaqstannyń Halyq ártisi Qajybek Bekbosynov, ónertanýshy, ámiretanýshy Jarqyn Shákárim, Baqyt Úderbaeva bastaǵan, Tolǵanbaı Sembaev, Gúlmıra Sarına, Amangeldi Kúzeýbaev, Erbol Aıtbaev qostaǵan qazylar alqasy baıqaýǵa kelgen qatysýshylardyń ónerin úsh kezeń boıynsha sarapqa saldy. «Festıvalge kelgen jastar shama-sharqylarynsha ónerlerin kórsetti. О́nerpazdardyń oryndaýshylyq deńgeıi jaqsy, basym kóbi ánshilik apparatty meńgerýge jumys jasaǵany baıqalyp tur. Átteń-aıy, ánniń mazmunyna kóńil bólý qalys qalyp jatyr. Árıne, buny jas ánshiler bolashaqta eskeredi dep oılaımyn. Jalpy, baıqaý óte joǵary, kásibı deńgeıde uıymdastyryldy», - deıdi Almatydaǵy Qurmanǵazy atyndaǵy qazaq ulttyq konservatorııasynyń «halyq áni» kafedrasynyń meńgerýshisi, PHD doktory Amangeldi Kúzeýbaı.
1974 jyly Máskeýden birtýar ánshiniń daýysyn taýyp, umytylyp bara jatqan ónerpazdy halqymen qaıta qaýyshtyrǵan ónertanýshy Jarqyn Shákárim 1980 jyldan beri dástúrli túrde ótkizilip kele jatqan Ámire Qashaýbaev atyndaǵy respýblıkalyq baıqaýdyń bıylǵy ózgesheligi festıval formatynda uıymdastyrylǵandyǵynda ekendigin aıtady. «Eń qýanyshtysy, este qalarlyǵy, О́skemende Ámirege úlken as berildi. О́zim osyǵan qatty qýandym. Osy istiń basy-qasynda júrgen Mádenıet jáne sport mınıstrligine, oblystyq Mádenıet basqarmasyna alǵysym sheksiz. Festıvalǵa ishinde tenor daýystysy da, bas daýystysy da bar, myqty-myqty qyz-jigitter keldi. Asqar Muqııattyń daýysy qandaı! Móldir, taza. Baýyrjan Nurmuhanovtyń daýysy tenor eken. Qaı ándi aıtsa da, Ámirege taqap aıtty. Berikbol Kópenulynyń «Aǵashaıaq» ánin tamasha oryndady. Berikbol Ámireniń dosy ǵoı. Bul ándi Ámire onyń janynda júrip úırengen», - deıdi ónertanýshy.
Bir aptaǵa jýyq О́skemen aspanynda dástúrli ánderdi qalyqtatqan Ámire Qashaýbaev atyndaǵy respýblıkalyq festıval oblystyq drama teatrda Gala-konsertpen qorytyndylandy. О́z erkimen, erkinen tys jınalǵan kórermen Gala-konsertte festıval júldegerlerimen qatar Astanadan qurmetti qonaq retinde shaqyrylǵan dástúrli ánshiler Medǵat Manapov, Perızat Turarova, Aıtbek Nyǵyzbaev pen Erlan Rysqalıdyń áýelete shyrqaǵan ánderin tyńdady. Marapattaý rásiminde sóz alǵan qazylar alqasynyń tóraǵasy, Qazaqstannyń Halyq ártisi Qajybek Bekbosynov: «Erekshe aıtqym keletini, baıqaýǵa qatysýshylar buryn 9-10 adamnan aspaıtyn edi. Osy joly festıvalge 34 jas ánshi qatysty. Úsh kún boıy sabylyp baıqaý ótkizdik. О́nerpazdar birinen biri ótedi. Olardyń dástúrli ánge kóńil bólgenderi, sony ustap júrgenderi qýantty» deı kele festıvaldi uıymdastyrýshylarǵa alǵysyn jetkizdi.
Sonymen, festıval qorytyndysynda eki úshinshi oryndy Almatydaǵy T.Júrgenov atyndaǵy Qazaq ulttyq óner akademııasy men Qurmanǵazy atyndaǵy qazaq ulttyq konservatorııasynyń stýdentteri Dıas Murathan men Birjan Aıtahmetov ıelense, ekinshi oryn Batys Qazaqstan oblysy Ǵ.Qurmanǵalıev atyndaǵy oblystyq fılarmonııasynyń ánshisi Ernar О́mirálige buıyrdy. Júldeli 1 oryndy Astanadaǵy Qazaq ulttyq óner ýnıversıtetiniń stýdenti Baýyrjan Nurmuhanov qanjyǵalasa, bas júlde – Gran-prıge (1 mıllıon teńge) Almatydaǵy «Qazaqkonsert» memlekettik konserttik uıymynyń ánshisi Asqar Muqııat laıyq dep tabyldy.
Azamat QASYM,
«Egemen Qazaqstan»
О́SKEMEN