Parlament Májilisiniń depýtattary Roman Kım, Aıqyn Qońyrovtyń qatysýymen Qazaqstan halqy oblystyq assambleıasynda ótken suraq-jaýap keshinde halqymyzdyń baqýatty ómir súrýi, ozyq damyǵan otyz eldiń qataryna qosylýy qazaqstandyqtardyń aýyzbirliginde, ózara túsinistiginde ekeni basa atap kórsetildi.
R. Kım Joldaýda zaman synyna tegeýrindi is-qımyldardyń keshendi sharalary jan-jaqty qamtylǵanyn, túpki maqsat turǵyndardyń ál-aýqatyn, turmys sapasyn arttyrý bolyp qala beretinin jetkizdi. A. Qońyrov úkimettik deńgeıde qabyldanǵan úsh jyldyq baǵdarlama boıynsha oblysqa jyl saıyn 30 mıllıard teńge bólinetinin, osyǵan oraı mol qarajatty tıimdi jumsaýdyń mehanızmderin oılastyrý, baqylaýdy kúsheıtý qajettigin atap kórsetti. Qarasha aıynda ótetin Qazaqstan men Reseı arasyndaǵy óńiraralyq yntymaqtastyq forýmy qarsańynda oblys aýmaǵynda eńseli áleýmettik, mádenı, sport nysandary, baspanalar qarqyndy turǵyzylýda. Jaılylyq degenimiz–eń aldymen, turǵyn úıdiń qoljetimdiligi, aýlanyń ádemiligi men qaýipsizdigi, tirshilikke jáne jumys isteýge qolaıly eldi mekenniń jáne sapaly ınfraqurylymnyń bolýy, dedi meımandar.
M. Qozybaev atyndaǵy Soltústik Qazaqstan memlekettik ýnıversıteti janynda qurylǵan Qazaqstan halqy assambleıasy kafedrasynyń meńgerýshisi Lıýdmıla Grıvennaıanyń jumys berýshiler dıplom alǵan jas mamanǵa jumys ótiliniń qajettigi jaıly talap qoıady. Joq jumys ótilin qaıdan alady? Jasy ulǵaıǵan adamdardy da qyzmetke qabyldaı bermeıdi degen suraǵyna halyq qalaýlylarynan bul jerde basty nazar jas ereksheligine emes, mamannnyń bilimine aýdarylýy tıis. Al, kkásibı sheberlik jyldar óte qalyptasady. Bul máseleni tıisti oryndardyń qatysýymen talqylap, bir sheshimge keletin bolamyz degen jaýap alyndy.
Petropavl gýmanıtarlyq-tehnıkalyq kolledjinde ótken kezdesýde stýdent-jastardy bilim berý, densaýlyq saqtaý salalalarynyń túıtkildi máseleleri beı-jaı qaldyrmady. Parlament Májilisiniń depýtattary Albert Raý men Sapar Ahmetov óz sózderinde joǵary oqý oryndaryna bólinetin granttar sanynyń kóbeıtilgenin, endi maman daıarlaý talaby kúsheıtiletinin, jumysqa ornalasýy, joǵary jalaqyly qyzmetpen qamtamasyz etilýi baǵalaýdyń bas ólshemine alynatyny, qujattardy qaǵazsyz, sıfrlyq júıege kóshirý medısınalyq qyzmet kórsetý múmkindigin arttyratynyn alǵa tartty.
Halyq qalaýlylary A. Raý, S. Ahmetov, B. Ospanov, P. Sharapaev Aqqaıyń aýdanynda birneshe kezdesý ótkizip, Joldaýdyń basym baǵyttaryn tarqata aıtyp berdi.
О́mir ESQALI,
«Egemen Qazaqstan»
Soltústik Qazaqstan oblysy.