Týrnır dzıý-dodan KSRO sport sheberligine úmitker Balamurat Aqshabaevty eske alýǵa arnaldy. Bıyl 9-shy ret ótkizilip otyrǵan týrnır buǵan deıin sportshynyń týǵan ólkesi Beıneý aýdanynda ótkizilip kelgen bolatyn.
Jyl saıyn qatysýshylar sanynyń artýy, respýblıka aýmaǵynan bólek, kórshi elderden suranystyń kóp bolýy nátıjesinde halyqaralyq sıpat alyp, Aqtaý qalasynda uıymdastyryla bastady. Bıylǵy jyly týrnırge Qazaqstannyń barlyq oblystarynan, О́zbekstan, Qyrǵyzstan respýblıkalarynan 600-ge jýyq sportshy qatysýda. Sportshylar arasynda 200-ge tarta úmitker - mańǵystaýlyq órender.
-Balamurat Aqshabaev 16 jasynan bastap kásibı sportpen aınalysa bastaǵan. Respýblıkalyq, halyqaralyq dodalarda top jarǵan ol ómirden jastaı ketedi. Mańǵystaý oblysy ákimdiginiń, sport basqarmasynyń qoldaýymen jerlesteri, urpaqtary, baýyrlary jyl saıyn Balamurat Aqshabaev atyndaǵy týrnırdi ótkizýdi dástúrge aınaldyryp keledi. Suranystyń artýy – týrnırdiń halyqaralyq sıpatqa ıe bolýyna jol ashty, deıdi Mańǵystaý oblysynyń dene shynyqtyrý jáne sport basqarmasy basshysynyń m.a. Nurbek Qarabalaev.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy