Qazaqstandyq kásipqoı boksshy Jánibek Álimhanuly El-Pasoda (AQSh, Tehas shtaty) ótken boks keshinde amerıkalyq Von Aleksandrdy jeńdi, dep habarlaıdy vesti.kz.
Orta salmaqta judyryqtasatyn boksshylardyń jekpe-jegi josparlanǵan 8 raýndqa sozyldy. Bul qazaqstandyq boksshynyń eń uzaqqa sozylǵan jekpe-jegi boldy.
Sharshy alańdaǵy shaıqasta shıraq qımyldary, joıqyn soqqylarymen kózge túsken Jánibek Álimhanuly tóreshiler sheshimi boıynsha jeńiske jetti. Bul – qazaqstandyq boksshynyń kásipqoı rıng tórindegi tórtinshi jeńisi.
Aıta keteıik, Jánibek Álimhanuly áıgili Top Rank promoýterlik kompanııasymen kelisimshart jasasqan tuńǵysh qazaq. Áýesqoı boksta Jánibek Qazaqstannyń 9 dúrkin chempıony, Azııa jáne Azııa oıyndarynyń jeńimpazy. 2013 jyly Almatyda ótken álem chempıonatynda top jarǵan boksshy. Olımpıada oıyndarynyń qatysýshysy.
El-Pasodaǵy boks keshinde qazaqstandyq taǵy bir boksshy Saǵadat Rahmanqulovta jekpe-jekke shyqty. Ol pýerto-rıkalyq Nıklaýs Flazǵa tóreshiler sheshimi boıynsha jol berip, mansabynda alǵash ret jeńilistiń kermek dámin tatty.