Qazaqstan tóraǵalyǵyna joǵary baǵa berildi

UQShU jıynyna Qazaqstan Pre­zıdentinen ózge, atalǵan uıymǵa múshe memleketterdiń bas­shylary – Belarýs Respýb­lı­kasynyń Prezıdenti Alek­san­dr Lýkashenko, Qyrǵyz Respýb­lı­kasynyń Prezıdenti Sooron­baı Jeenbekov, Reseı Federa­sııa­synyń Prezıdenti Vladımır Pýtın, Tájikstan Respýblı­kasynyń Prezıdenti Emomalı Rahmon, Armenııa Respýblıkasy Premer-Mınıstriniń mindetin atqarýshy Nıkol Pashınıan jáne osy uıymnyń Bas hatshysy mindetin atqarýshy Valerıı Semerıkov qatysty. 

Qazaqstan Prezıdenti bas­qo­sý aldynda UQShU múshe mem­le­ketteriniń basshylaryn jeke-jeke kútip alyp, munan soń prezıdentter estelik sýretke túsý rásimine qatysty.

Prezıdentterdiń shaǵyn qu­ram­daǵy kezdesýinde Keńes mú­she­leri halyqaralyq jáne óńir­lik qaýipsizdik problemalaryn, Ujymdyq qaýipsizdik sharty uıy­myna múshe memleketterdiń osy uıym aıasyndaǵy jáne halyq­aralyq arenadaǵy yqpaldastyq máselelerin talqylady.

Jıyndy ashqan Qazaqstan Prezıdenti Nursultan Nazarbaev áriptesterin elimizdiń bas qalasy – Astanada UQShU-nyń kezekti sammıtin ótkizýge baılanys­ty qarsy alyp otyrǵanyna qýa­nyshty ekenin jetkizdi. Sodan soń sessııanyń kún tártibin jarııalap, otyrysty ótkizýdiń sharttarymen tanys­tyrdy. Prezıdentter kún tártibindegi jıyrmadan asa máseleniń birqataryn shaǵyn quramda jabyq esik jaǵdaıynda talqylady. 

Jalpy, elimiz úshin atalǵan sessııa Qazaqstannyń 2018 jy­ly Ujym­dyq qaýipsizdik shar­ty uıymyna tóra­ǵalyq etýi sheń­berinde negizgi jáne qo­ry­tyndy is-shara bolǵan­dy­ǵymen de mańyzdy. О́ıtkeni, otyrys bary­synda UQShU-ǵa múshe memleket­ter basshylary Qazaqstannyń tór­aǵalyq etý kezeńinde elimiz usyn­ǵan Uıymnyń basym baǵyttaryn iske asyrýdyń negizgi nátıjelerin qorytyndylady. 

Sessııada Qyrǵyzstannyń ke­lesi sessııaaralyq kezeńdegi tóra­ǵa­­ly­ǵynyń basymdyqtary da sóz bolady.

Ujymdyq qaýipsizdik keńesi sessııasynyń keńeıtilgen quram­daǵy otyrysynda Qazaqstan Pre­zıdenti Nursultan Nazarbaev aldymen Qazaqstan UQShU-ny bedeldi ári tıimdi qurylym re­tinde sanaıtyndyǵyn aıtty. 

– Uıymǵa múshe memle­ket­terdiń belsendi ári jan-jaq­ty qoldaýynyń arqasynda Qazaq­stannyń tóraǵalyǵy ýaqytyn­daǵy mindetke alǵan basym­dyqtar tolyq júzege asyryldy, – degen Pre­zıdent Qazaqstan tóra­ǵalyǵynyń al­ǵashqy qorytyn­dylaryn jarııa etti.

– Birinshiden, biz áskerı salada UQShU-nyń birikken shtabyn reformalaýdy josparly túrde aıaqtadyq. Bizdiń qaýipsizdigimizge áleýetti qaterlerdi anyq­taý bo­ıynsha múmkinshilikti keńeı­­týge arnalǵan UQShU-nyń tolyq­­­qandy daǵdarystyq áreket etý qyz­metin daıyndaý aıaqta­­lyp keledi. Qyrǵyzstan aýma­ǵyn­da «Jaýyngerler baýyrlas­ty­ǵy-2018» oqý-jattyǵýy Shuǵyl áreket etý ujymdyq kúshteriniń bólimshelerin jáne UQShU bi­tim­gershilik batalonyn tartý arqyly ótkizildi. Ekinshiden, Almatyda UQShU-nyń áskerı tehnıkalyq yntymaqtastyqqa arnalǵan memleketaralyq komıssııasynyń otyrysy ótkizilip, qarý-jaraq pen áskerı tehnıkany standarttaý jónindegi úılestirý keńesi quryldy. Úshinshiden, BUU Bas As­sambleıasynyń 73-sessııasynda Qazaqstannyń terrorızmnen azat beıbit álem qurýǵa arnalǵan ám­bebap kodeks qabyldaý týraly bastamasy sátti júzege asy­ryldy. Búginde bul kodeks­ke 70 memleket qosyldy. Tór­tinshiden, qazirgi zamanǵy kı­ber­qaýipterge qarsy turýǵa ba­ǵyttalǵan birlesken jumystar jalǵasyn tapty. Besinshiden, esirtkiniń zańsyz aınalymymen kúres máselesi de UQShU-nyń tyńǵylyqty nazarynda boldy. О́tken kezeń ishinde «Arna» atty eki operasııa júrgizildi. Buǵan qosa, onyń aıasynda Qazaqstannyń ońtústiginde «Qyzyl barhan» arnasy» halyqaralyq esirtkige qarsy operasııasy ótti, – dedi Memleket basshysy.

Keńeıtilgen otyrystan soń Qazaqstan Prezıdenti Ujymdyq qaýipsizdik sharty uıymy Ujym­dyq qaýipsizdik keńesi sessııa­synyń qorytyndysy boıynsha baspasóz máslıhatyn ótkizdi. 

Memleket basshysy buqa­ralyq aqparat quraldarynyń ókil­deri aldynda sóılegen sózin­de Ujymdyq qaýipsizdik sharty uıymynyń Ujymdyq qa­ýip­siz­dik keńesi aıasynda ótken kezdesý­ler­diń dostyq ári syndarly sıpa­tyn atap ótti.

– Biz memleketterimizdiń qaýip­sizdikti nyǵaıtý jolyn­daǵy ózara is-qımylynyń barlyq derlik máselelerin qaras­tyr­dyq. Ujymdyq qaýipsiz­dik sharty uıymyn damytýdyń negizgi baǵyttary, sondaı-aq halyq­aralyq jáne óńirlik saıasattyń ózekti problemalary jóninde syndarly pikir almastyq. Qazaq­stannyń Ujymdyq qaýipsizdik sharty uıymyna tóraǵalyq etýi­ne oraı belgilengen basym­dyq­tardyń oryndalýyn qorytyn­dyladyq, – dedi Elbasy.

Nursultan Nazarbaev Ujymdyq qaýipsizdik sharty uıy­myna múshe memleketter tara­pynan Qazaqstannyń osy halyq­aralyq uıymǵa tóraǵalyq etýi kezinde atqarǵan jumystaryna joǵary baǵa berilgenin aıtty.

Sonymen qatar Qazaqstan Prezıdenti búgin Ujymdyq qaýip­sizdik sharty uıymy aıasyndaǵy ynty­maqtastyqty odan ári nyǵaı­týǵa jáne ujymdyq qaýipsizdikti qamtamasyz etý tetikterin je­til­dirýge baǵyttalǵan mańyzdy she­shimderdiń qabyldanǵany j­óninde aıtty.

– Birlestiktiń aldaǵy kezeńge arnalǵan mindetteri men josparyn qamtıtyn Qorytyndy deklarasııa Ujymdyq qaýipsizdik sharty uıymynyń Astanadaǵy sammıtiniń negizgi saıası qujatyna aınaldy. «Halyqaralyq terro­rıs­tik uıymdar jaǵynda qarý­ly qaqtyǵystarǵa qatysqan adamdarǵa qatysty úılestiril­gen sharalar týraly» málim­deme qabyldandy. Ujymdyq qaýip­sizdik sharty uıymynyń seriktesi jáne Ujymdyq qaýipsizdik sharty uıymy janyndaǵy baqylaýshy mártebelerin quqyqtyq resimdeý jó­nindegi bizdiń belarýstik árip­testerimiz bastaǵan jumysty aıaq­ta­dyq. Tıisti qujattarǵa qol qoıyl­dy, – dedi Memleket basshysy.

Sondaı-aq Qazaqstan Pre­zıdenti búgingi sessııa qory­tyn­dysy boıynsha Zańsyz mıg­rasııaǵa qarsy turý júıesin damytý jónindegi is-qımyl jospary jáne Ujymdyq qaýipsizdik sharty uıymyna múshe elderdiń múddesi úshin úılestirilgen aqparattyq saıa­satty damytý jónindegi is-sha­ra­lar jospary bekitilgenin aıtty.

Nursultan Nazarbaev sóziniń sońynda BAQ ókilderine kelesi sessııaaralyq kezeńde Ujymdyq qaýipsizdik sharty uıymyna Qyrǵyz Respýblıkasy tóraǵalyq etetinin málimdedi. Memleket basshysy Qyrǵyz Respýblıkasy Ujymdyq qaýipsizdik sharty uıymyna joǵary deńgeıde tóraǵalyq etip, osy uıymnyń odan ári jan-jaqty damýyna zor úles qosatynyna senim bildirdi.

Jalpy, UQShU Ujymdyq qaýipsizdik keńe­sinde jıyrmadan asa halyqaralyq jáne óńir-

aralyq kelisimderge qol qoıdy. 

Sessııa barysynda, sondaı-aq mem­leketter basshylary UQShU mem­leketaralyq áskerı-eko­nomı­kalyq yntymaq­tastyǵy jónindegi komıssııa tóraǵasy etip Reseı úkimeti tóraǵasynyń oryn­basary Iýrıı Borısovti taǵaıyn­daýǵa kelisim berdi. 

UQShU tóraǵalyǵy 2018-2019 jyldary Qyrǵyz Respýb­lı­kasyna ótetindikten, el prezı­denti Sooronbaı Jeenbekov sessııa barysynda Qyrǵyzstan­nyń tóraǵalyq kezeńindegi basym­dyqtaryn atady. Elbasy Qyrǵyz tarapynyń jumysty júıeli ári tabysty jalǵastyratyndyǵyna senim bildirip, baýyrlas memleketke barynsha qoldaý kórseti­le­tindigin jetkizdi. 

Uıymǵa múshe-memleketterdiń basshylary UQShU-nyń jańa bas hatshysyn taǵaıyndaý máselesin de talqylady. Máseleniń mánisin ashyp aıtar bolsaq, Bas hatshy laýazymyna 2017 jyldyń mamyr aıynda taǵaıyndalǵan Armenııanyń ókili Iýrıı Hacha­tý­rovty Armenııa tarapy bıyl qyzmetinen qaıtaryp aldy. Uıym­nyń bekitilgen qaǵıdasy boıynsha UQShU Bas hatshysy múshe-memleketterdiń arasynan álippe boıynsha aýysymdyq tártippen úsh jylǵa taǵaıyndalady. Bul máselege baılanysty pikirin bildirgen Qazaqstan Prezıdenti UQShU Bas hatshysyn taǵaıyndaý máselesi jeltoqsan aıynda Sankt-Peterbýrg qalasynda ótetin jıynda túpkilikti sheshiletindigin atap ótti. 

Jalpy, 2017 jylǵy 30 qara­shada Mınsk qalasynda ótken Ujymdyq qaýipsizdik keńesiniń sessııasynda UQShU-daǵy tóra­­ǵa­­lyq Qazaqstanǵa ótkeni belgili. Mi­ne, týra bir jyldan soń qory­­­tyn­dysy shyǵarylǵan tóraǵa­lyq qyzmet elimizdiń abyroıyn as­­qaq­­tata tústi. Barlyq mindet­te­meler, keshendi jospar­lar to­lyq oryndaldy. Jalpylaı al­ǵan­­da, UQShU-ny damytý men je­tildirýde bizdiń elimizdiń qos­qan úlesi orasan. Atap aıtqanda, Ujymdyq jedel den qoıý kúsh­teri Qazaqstan Respýblıkasy Pre­zıdentiniń bastamasymen qu­ry­­lyp, júıeli túrde damýda. Atal­ǵan is-sharalar men jasal­ǵan tetikterdiń kesheni Qazaq­stan­nyń ulttyq qaýipsizdigi men jal­py óńirdiń qaýipsizdigin qamta­masyz etýge edáýir úlesin qosýǵa múmkindik berýde. 

Serik ÁBDIBEK,

«Egemen Qazaqstan