Keshe keshke Eýropa lıgasynyń aıasynda óz alańynda chehııalyq «Iаblonesti» qabyldaǵan elordalyq «Astana» 2-1 esebimen basym tústi.
Matchtyń 18-mınýtynda buryshtamadan berilgen dopty qaqpaǵa dál baǵyttaǵan Pedro Enrıke gol soǵyp, elordalyq klýbty alǵa shyǵarǵan bolatyn. 41-mınýtta chehııalyqtar tepken buryshtama dop Bahtııar Zaınýtdınovke tıip, «Astananyń» qaqpasyna enip ketti.
Degenmen, avtogolǵa qaramastan, elordalyqtar ekpinin báseńdetken joq. Matchtyń 88-mınýtynda Marın Tomasovtan pas alǵan qorǵaýshy Evgenıı Postnıkovtyń sol aıaǵymen tepken doby qarsylas klýb qaqpasynyń toǵyzdyǵynda týlap jatty.
Osylaısha, 4 oıynnan keıin 8 upaı jınaǵan «Astana» óz tobynda kósh basyndaǵy ornyn nyǵaıta tústi.
Daıyndaǵan Álı BITО́RE,
«Egemen Qazaqstan»