О́skemen rýhanı jańǵyra bastaǵandaı. Búgin qalalyq ákimdikte shahar kósheleriniń ataýyn ózgertý boıynsha ótken qoǵamdyq tyńdaýda oblys ortalyǵyndaǵy 16 kósheniń (tórteýine jańa ataý berý) ataýyn ózgertý máselesi qaraldy. Eń áýeli ataýsyz 4 kóshege ataý berý jaıy qaralyp, ol kóshelerge Jaqııa Sháıjúnisov, Lev Gýmılev, Armandastar jáne Meıirim ataýlary usynyldy.
Sodan keıin Oktıabr kóshesin qoǵam qaıratkeri, alash ardaqtysy Muhametjan Tynyshpaev, Krýpskaıa kóshesin ónertanýshy Evgenıı Brýsılovskıı, Revolıýsıonnaıa kóshesin qazaqtyń klassık jazýshysy Qalıhan Ysqaq, Sovetskaıa kóshelerin Adolf Iаnýshkevıch pen Aleksandr Zataevıch, Dzerjınskıı kóshesin áıgili ánshi Ámire Qashaýbaev, Kırov kóshesin orys jazýshysy Anton Chehov, Ordjonıkıdze kóshesin táýelsiz Qazaqstannyń tuńǵysh Qorǵanys mınıstri Saǵadat Nurmaǵambetov, Kýıbyshev kóshesin Naryn, Kalının kóshesin Shyńǵystaý, Golovkov kóshesin Beıbitshilik, I,Aıtyqov kóshesin Asar, Oktıabr aralyndaǵy ataýsyz saıabaqty Samal dep ataý jónindegi usynystar talqyǵa tústi. Qalalyq máslıhat depýtattarynyń basym kópshiligi bul usynystarǵa qoldaý bildirip, qoldaryn kóterdi.
Qalalyq máslıhat depýtaty, «Nur Otan» partııasy О́skemen qalalyq fılıaly tóraǵasynyń orynbasary Maıra Ekibasova júrgizgen jıynda Álibek Qańtarbaev, Túsiphan Túsipbekov, Serik Qusanbaev, Borıs Sherbakov, Gúlbarshyn Abylǵazına bastaǵan, Ádil Qarataı, Murathan Kenjehanuly, Esimjan Naqtybaıuly, Qyzyrbek Dúrginbaı, Mıras Malǵajdarov, Qanat Oralbek qostaǵan óskemendik zııaly qaýym ókilderi, jastar óz pikirlerin aıtyp, belsendilik tanytty. Endi bul usynystar respýblıkalyq onomastıkalyq komıssııanyń qaraýyna jiberiledi.
Azamat QASYM,
«Egemen Qazaqstan»
О́skemen