Meniń Qazaqstanda turyp jatqanyma 2 jylǵa jýyq ýaqyt boldy. Osy aralyqta Qazaqstan maǵan jáne otbasyma jaıly mekenge aınaldy. Osy ýaqyt ishinde men Prezıdent Nursultan Nazarbaevtyń danalyǵy men kúsh-jigeri arqasynda Qazaqstan ekonomıkasynyń damyp kele jatqanyna jáne halyqtyń ál-aýqatyn turaqty túrde kóterýde aıtarlyqtaı progreske qol jetkizilgenine kýá boldym.
Qazaqstan qoǵamymen bite qaınasyp ketken men el ómirindegi saıası jáne áleýmettik serpilister týraly jaqsy bilemin. Sondaı-aq tuńǵysh Prezıdenttiń bastamasymen júzege asyrylyp jatqan reformalarǵa erekshe nazar aýdaryp júremin. Qazaqstan Prezıdenti jyl saıynǵy Joldaýlaryn, óz halqyna arnaǵan úndeýlerin jarııalaǵanda, óz strategııalaryn jáne baǵdarlamalaryn naqtylaǵanda eldiń qoǵamdyq ómirindegi jańa oqıǵalardy jáne álemdik saıası-ekonomıkalyq úderisterdi eskeretinin túsindim.
Nursultan Nazarbaevtyń halyqaralyq keńistikke ıntegrasııalanǵan ekonomıkalyq qýatty memleket retindegi Qazaqstannyń keleshegi týraly oıy – qazaqstandyq qoǵamnyń damý strategııasynyń mańyzdy faktory.
Árbir eldiń ekonomıkasynyń sátti damýy bilim men ǵylymǵa qanshalyqty kóńil bólinetinine tyǵyz baılanysty. Osy oraıda Prezıdent joǵary oqý oryndaryn ıntegrasııalaý saıasatyn júrgizýdi, sapaly bilim beretin naryqqa shyǵýdy tapsyrdy. N.Nazarbaevtyń aıtýynsha, joǵary bilim berý júıesinde sapany jaqsartý qajet. Olardyń jumysynyń kórsetkishteri túlekteriniń jumyspen qamtylýy, jalaqysy joǵary jumysqa ornalasýy deńgeıimen ólshenedi. Teorııalyq, analıtıkalyq bilimdi tájirıbelik daǵdymen ushtastyrý, ǵylymı teorııa men praktıkany tyǵyz baılanystyrýdy qamtamasyz etý – bilim berý baǵdarlamalarynyń basymdyqtary bolýy tıis.
Talal AVVAD,
Damask ýnıversıteti ınjener-qurylys fakýlteti ınjenerlik geotehnıka kafedrasynyń professory, doktor (PhD) (Sırııa)