Jetpis jyl jetekte júrip, myzǵymastaı bolyp qalyptasqan konteınerlik bilim berý úrdisi jas táýelsiz memleket ómiriniń talaptaryna jaýap bere almaıtynyn anyq túısingen Elbasy álemniń ozyq tájirıbesin boıyna jınaqtaǵan jańa formattaǵy mektep ashýǵa tapsyrma berdi.
Qazirgi tańda zaman talabynan týyndaǵan osy bir qajettilikti 100 paıyzǵa ótep, qoǵam aldynda óz artyqshylyǵyn tolyǵymen moıyndatqan Nazarbaev zııatkerlik mektepteri on jyldy artqa tastap úlgerdi.
Meniń Nazarbaev zııatkerlik mektepter júıesine kelip eńbek etkenime bes jyldyń júzi boldy. Osy bes jyl on jeti jyl pedagogıkalyq jumys ótilimimdegi eń jarqyn kezeń bolǵanyna bek senimdimin. Oqýshyny komandada jumys isteýge, onyń synı oılaý qabiletin damytýǵa, óz bilimi úshin jaýapkershiligin arttyryp, baǵalaý krıterıılerin muǵalimmen birge qurýǵa, alǵan bilimin is júzinde qoǵam ıgiligine paıdalanýǵa múmkindik beretin bul bilim platformasy táýelsiz elimizdiń damý talaptaryna jaýap beretin ozyq úlgidegi oqý úrdisi ekeni shúbásiz.
Bıylǵy Elbasy Joldaýynda mektep bilimin reformalaýdyń qorytyndy kezeńi úshin Nazarbaev zııatkerlik mektepteriniń oqytý júıesi men ádistemesi memlekettik mektepterdiń biryńǵaı standartyna aınalýy tıis ekeni basa aıtyldy. Men Elbasynyń usynysyn tolyq quptaımyn jáne óz tarapymnan Nazarbaev zııatkerlik mektepteriniń tájirıbesin memlekettik bilim berý úlgisine aınaldyrýǵa bar kúsh-jigerimdi jumsaýǵa daıyn ekenimdi jetkizemin. Biz, Nazarbaev zııatkerlik mektepteriniń muǵalimderi, elimizdiń jalpy bilim berý úderisin jańa formatqa kóshirýge belsendi túrde atsalysýymyz kerek. Iаǵnı derbes memleketimizdiń jarqyn bolashaǵyna jetkizer joldaǵy eńbek maıdanynyń naq ortasynan tabylsaq, quba-qup. Bul rette naqty qadamdardy kezeń-kezeńimen júzege asyra otyryp, Nazarbaev zııatkerlik mektepteri muǵalimderiniń róli aıqyndalatynyna, olarǵa tájirıbesin bólisýge múmkindik beriletinine qýanyshtymyn.
Indıra NABIOLLAQYZY,
Astana qalasyndaǵy halyqaralyq mekteptiń aǵylshyn tili pániniń muǵalimi