Janarynan aıyrylǵan. Bul sózdi estý qandaı aýyr bolsa, osy beınetpen kún keshý odan beter qıyn-aý. Dese de, taǵdyrdyń taýqymetine qasqaıa qarsy turyp, qoǵamdaǵy óz oryndaryn ornyqty kórsete bilgen jandar qashan da qurmetke laıyq.
Aıagóz aýdanynda 2011 jyly qurylǵan «Qazaq zaǵıptar qoǵamynyń» bastaýysh uıymynyń búginde 60-tan astam múshesi bar. 13 qarasha – Zaǵıptar kúni qarsańynda «Qozy Kórpesh-Baıan sulý» mádenıet saraıynda merekelik shara ótti. Merekelik sharada aýdan ákiminiń orynbasary Bolat Súleımenov quttyqtaý lebizin bildirip, qoǵamdyq is-sharalarda belsendilik tanytqan zaǵıp jandarǵa aýdan ákimi Baqytjan Baıahmetovtyń Alǵys hattaryn tabys etti.
Aıta keteıik, mereke qarsańynda jergilikti kásipkerler «Arǵyn» saýda úıiniń basshysy M.Kúzetaev pen «Qurmanbaı» saýda úıiniń basshysy E.Qurmanǵojanov 60 azamatqa azyq-túlik sebetterin tartý etken bolatyn. «О́te qýanyshtymyn. Bizdi elep-eskergenderińizge rahmet. Qandaı jaǵdaı bolmasyn alǵa basý kerek. Mine, jemisin kórip otyrmyz. Sizderdiń barlyqtaryńyzǵa rahmet aıtamyn»,- deıdi Aıagóz aýdany boıynsha «Qazaq zaǵıptar qoǵamynyń» tóraıymy Quralaı Elshibekova.
Azamat QASYM,
«Egemen Qazaqstan»
Shyǵys Qazaqstan oblysy, Aıagóz aýdany