Kenshiler astanasynda bıylǵy jyldyń alǵashqy «Aýyl − bereke» jármeńkesi ótip, qala turǵyndary naryqtaǵydan áldeqaıda tómen baǵaǵa azyq-túlik ónimderin satyp aldy. Bul joly jalpy kólemi 500 tonnadan astam et pen sút ónimderi, kókónistiń birneshe túri saýdaǵa túsken bolatyn.
Qala turǵyndaryna yńǵaıly bolýy úshin saýda núkteleri ornalasqan jerge jergilikti bılik ókilderi arnaıy avtobýstar uıymdastyrdy. Sa-ýda oryndaryn jalǵa alý tegin bolǵandyqtan, taýarlar tómendetilgen baǵamen satyldy.
Jármeńke oıyn-saýyqsyz ótken be?! Osakarov aýdanynan kelgen qonaqtar jaıma bazar tórinde «Baýyrsaq-shoý» uıymdastyrdy. Baharshy qaýym úıde pisirilgen baýyrsaqtan dám tatty. Al sórelerdiń mańynda ornalasqan sahnada óńirdiń ónerpazdary shaǵyn konsert qoıyp, jármeńke kórigin qyzdyrdy.
Qaırat ÁBILDA,
«Egemen Qazaqstan»
QARAǴANDY