2019 jyldan bastap joǵary oqý ornyna aqyly negizde túsý úshin UBT jylyna 4 ret (qańtar, naýryz, maýsym-shilde, tamyz aılarynda) ótkiziledi, dep habarlaıdy Ortalyq kommýnıkasııalar qyzmeti.
«UBT formatyn jeńildetý, balalarǵa tıisti jaǵdaı jasaý maqsatynda usynystarymyz bar. Birinshi másele 2019 jyldan bastap joǵary oqý ornyna aqyly negizde túsý úshin túlekter Ulttyq birińǵaı testileýdi jylyna 4 ret tapsyrý múmkindigi bar. Qańtar aıynda UBT tapsyryp, tıisti shekti baldy jınap alsa, onda mektepti bitirmeı, attestatyn almaı tursa da, sertıfıkatty aparý arqyly Joǵary oqý ornyna tapsyrsa, onda túlek aqyly negizde oqýǵa túsýge qujattaryn tapsyra alady», - dep málimdedi QR Bilim jáne ǵylym vıse-mınıstri Ashat Aımaǵambetov.
2019 jylǵy 15-20 qańtar aralyǵynda ótkiziletin UBT-ǵa qatysý úshin ótinishter 2018 jylǵy 1-15 jeltoqsan aralyǵynda qabyldanady.
Al bilim berý grantyn taǵaıyndaý konkýrsyna qatysý úshin oqýǵa túsýshiler mindetti túrde maýsym-shilde aılarynda ótetin UBT-ǵa qatysýy qajet ekendigin Ashat Aımaǵambetov tilge tıek etti.
Sondaı-aq, shet tilin meńgergendigin rastaıtyn halyqaralyq sertıfıkattary bar tulǵalardy «Shet tili» páni boıynsha UBT-dan bosatý normasy engizilýde.