Balýandar Brazılııaǵa barady

Jaqynda tól kúresimizden Ońtústik Amerıka qurlyǵynda tuńǵysh ret álem chempıonaty ótedi

Qyzylorda oblysynyń Shıeli aýdanynda qazaq kúresinen jasós­pirimder arasynda el chempıonaty ótti. Bul básekege elimizdiń túp­kir-túpkirinen 200-den astam balǵyn balýandar jınalyp, 6 salmaq dárejesi boıynsha kúsh synasty. Eki kúnge sozylǵan jarystyń qorytyndysynda bolashaǵynan úmit kúttiretin myna balýandar Qazaqstan chempıony degen mártebeli ataqqa ıe boldy.

Jaqynda tól kúresimizden Ońtústik Amerıka qurlyǵynda tuńǵysh ret álem chempıonaty ótedi

Qyzylorda oblysynyń Shıeli aýdanynda qazaq kúresinen jasós­pirimder arasynda el chempıonaty ótti. Bul básekege elimizdiń túp­kir-túpkirinen 200-den astam balǵyn balýandar jınalyp, 6 salmaq dárejesi boıynsha kúsh synasty. Eki kúnge sozylǵan jarystyń qorytyndysynda bolashaǵynan úmit kúttiretin myna balýandar Qazaqstan chempıony degen mártebeli ataqqa ıe boldy.

Eń jeńil salmaqta Raıymbek Rantaev (Qyzylorda oblysy), Qa­sym­han Tólenbaı (OQO, 51 kg.), Dáýlet Qasymbekuly (OQO, 57 kg.), Danııar Temirhanov (Aqmola oblysy, 64 kg.), Bekbolat Ábdiǵazıev (Jambyl oblysy, 72 kg.) jáne 81 kılo salmaqta Elaman Qaıshybaev (Aqtóbe oblysy).

Qazaq kúresinen memlekettik jattyqtyrýshy Marat Jaqyttyń aıtýynsha, osy beldesýlerde top jarǵan balýandarymyz naýryz aıynyń sońy men sáýir aıynyń basynda Brazılııanyń San-Paýlo qalasynda tuńǵysh ret tól kúresimizden jasóspirimder arasynda ótetin álem chempıonatyna qatysatyn bolady. Qazir olardyń daıyndyqtary bastalyp ketti.

«Bul chempıonat qazaq tarıhynda tuńǵysh ret Ońtústik Amerıka qurlyǵynda ótetin jarys bolǵaly otyr. Elimiz táýelsizdik alǵan kezden beri mundaı básekeni eshqashan ótkizip kórgen emes. Bul qazaq kúresiniń álemdik arenada ózge kúrestermen ıyq teńestirip qana qoımaı, jer júzin moıyndatqanyn aıǵaqtaıdy deýge bolady. Osy kúnderi álemniń tórt buryshynan qazaq kúresine qyzyqqan elder chempıonatqa qatysýǵa ótinish berip jatyr. Onyń ishinde Azııa, Eýropa, Afrıka men Amerıka qurlyqtarynyń elderi bar. Iаǵnı, eshqan­daı qurlyq tól kúresimizden ótetin tartysty jarysqa qatysýdan syrt qalmaı otyr. Bul – Dúnıe­júzilik qazaq kúresi qaýym­dastyǵynyń úlken jetistigi. Aldaǵy kezde mundaı básekeler álemniń túpkir-túpkirinde ótkiziletinine senimdimiz», deıdi bilikti bapker, qazaq kúresiniń úlken mamany Marat Jaqyt.

Munyń aldynda qazaq kúresinen jastar arasynda kezekti el birin­shi­ligi ótedi. Bul beldesýler 24-26 aqpan kúnderi Aqtóbe qalasynda ótkiziledi.

Dastan KENJALIN.