22 qarasha kúni terrorızmge qarsy astanalyq jedel shtab lańkestikke qarsy josparly oqý-jattyǵý ótkizedi, dep habarlaıdy PD baspasóz qyzmeti.
Oqý-jattyǵý Almaty aýdandyq polısııa bólimshesiniń ǵımaraty mańynda (Bórili, 18) saǵat 10.00-den 13.00-ge deıin bolady.
Is-sharanyń negizgi maqsaty - terrorızmge qarsy kúres jónindegi astanalyq jedel shtab kúsh-quraldarynyń daıyndyǵyn tekserý. Oqý-jattyǵý kezinde keıbir shekteýler bolady.
«Osyǵan oraı qala qonaqtary men turǵyndarynyń sabyr saqtap, túsinistik tanytýyn suraımyz» delingen habarlamada.