Qarasha aıynyń basynan beri kenshiler astanasy kósheleriniń joldaryn basyp qalǵan 57 570 tekshe metr qar tysqa shyǵaryldy. Bul qaýyrt sharýamen «Tazalyq Ekspert» kompanııasy aınalysyp jatyr. Atalǵan mekemeniń qaramaǵynda 210 adam jumys isteıdi, 230 birlik tehnıkasy bar.
Qaraǵandy kóshelerin qardan tazalaý mynadaı tártippen júrgiziledi: tehnıka birinshi kezekte qala aýdandaryn respýblıkalyq trassamen baılanystyratyn joldarǵa jumyldyrylady. Odan keıin baryp basqa joldar tazartylady.
– Aldymen biz jolǵa tuz ben qum qospasyn sebemiz, ol qar erigenshe biraz ýaqyt jerde jata turýy kerek. Eger ony seppesek, muz qatyp qalady da, ony buzý qıynǵa soǵady. Jalpy qalada qar tazalaý jumystary táýlik boıy júrgiziledi, – deıdi «Tazalyq Ekspert» jol ýchaskesiniń bastyǵy Adaı Esembekov.
Kósheni qardan tazartý jumystaryna kóbine jol shetine qaldyrylǵan avtokólikter kedergi keltiredi eken. Olardyń ıelerin kútýdi nemese kólikti basqa jerge aparyp qoıýdy ýaqyt kótermeıdi. Sondyqtan jumyskerlerge jol jıekterin qolmen tazalaýǵa týra keledi.
Qaırat ÁBILDA,
«Egemen Qazaqstan»
Qaraǵandy