Búgin Tuńǵysh Prezıdent kúnine oraı qalyptasqan dástúrge saı biliktiligimen kózge túsken talantty azamattardy partııa qataryna qabyldaý rásimi ótti. Sonyń barysynda óz salasynda bıik belesterdi baǵyndyryp, erekshe darynymen tanylǵan 20 qazaqstandyqqapartııalyq bıletterin saltanatty jaǵdaıda tapsyryldy. Olardyńqatarynda bilim, mádenıet, sport, bıznes, memlekettik qyzmet, iri ónerkásip jáne taǵy basqa salalarda aıtarlyqtaı jetistikterge jetken mamandar bar.
Is-sharaǵa partııa Hatshylary qatysty. Barsha qatysýshylardy Tuńǵysh Prezıdent kúnimen quttyqtaǵan partııa Hatshysy Tamara Dúısenova merekeniń máni men mańyzy týraly aıtyp ótti.
– Táýelsiz Qazaqstan halqy osydan 27 jyl buryn óziniń tuńǵysh prezıdentin saılap, óz tańdaýyn jasady. Elimizdiń búgingi jetistikterine qarap sol kezde qazaqstandyqtardyń qatelespegenin ańǵarý qıyn emes. Biz azattyqtyń 27 jylynda Elbasymyzdyń saıasatynyń arqasynda aýyz toltyryp aıtarlyqtaı jetistikterge jettik. Halyqaralyq arenada da óz ornymyzdy aıqyndap, úlken abyroı-bedelge ıe boldyq. Sondyqtan Elbasynyń elge sińirgen eńbegin dáripteıtin búgingi merekeniń máni men mańyzy zor, – dedi Tamara Dúısenova.
Búgin nurotandyq atanǵandardyń qatarynda belgili jýrnalıst, «Qazaq radıolary» JShS-na qarasty «Qazaq radıosy» respýblıkalyq radıoarnasynyń dırektory Serik Ábdýálıev te bar. Ol Elbasy kúni qarsańynda Prezıdent partııasynyń múshesi atanýyn úlken qýanyshqa balaıtynyn aıtty.
– Qazaqta «eki dúnıeń abat bolsyn, eki toıyń qabat bolsyn» degen sóz bar. Sol sııaqty búgin men úshin birdeı qýanysh qatar kelip otyr. Naqty aıtsam, elimizdi álemdik bıikke kóterip, kóshimizdi bastaǵan Tuńǵysh Prezıdentimizdiń kúninde osyndaı úlken qurmetke bólenip, Elbasymyzdyń barlyq saıasatyn dáriptep, senimdi tiregi bolyp otyrǵan «Nur Otan» partııasynyń múshesi atanyp otyrmyn. Bul men úshin úlken abyroı ári zor jaýapkershilik. Sondyqtan aldaǵy ýaqytta Elbasy bastamalarynyń júzege asyrylýyna óz úlesimdi qosý úshin aıanbaı eńbek etemin, – dedi Serik Ábdýálıev.
Sonymen qatar búgin «Bolashaq» baǵdarlamasynyń túlegi, qoǵam belsendisi, kásipker, «Mıras-2000» JShS-nyń dırektory Dálel Júzbaev, «Bolashaq» baǵdarlamasynyń túlegi, Aqtóbe qalasyndaǵy Nazarbaev zııatkerlik mektebi dırektorynyń orynbasary Arnur Mádenov, PhD doktory, I.Jansúgirov atyndaǵy Jetisý memlekettik ýnıversıtetiniń kafedra meńgerýshisi Elmıra Bajenova, «Áleýmettik damý qory» qoǵamdyq qorynyń dırektory, áleýmettik salada belsendiligimen tanylǵan Aıajan Kójekova, «Qazaqstannyń 100 jańa esimi-2017» jobasynyń jeńimpazy, aqyn Erjan Jumabekov, Taraz memlekettik pedagogıkalyq ýnıversıtetiniń rektory Erjan Ámirbekuly, «Oral transformator zaýyty» JShS-nyń basqarýshy dırektory Aqjol Saýranbaev, «Temirtaý elektrometallýrgııalyq kombınaty» AQ Basqarma tóraǵasynyń orynbasary Ivan Lennov, «Choson» koreı etnomádenı birlestiginiń múshesi, «B Tim Enterprises» JShS-nyń dırektory Alena Kım, «Azııa-BIPEK-Avto» kompanııasynyń Pavlodardaǵy fılıalynyń dırektory Aıdyn Elemesov, «Ońtústikfılm» memlekettik kommýnaldyq kásipornynyń dırektory Batyrhan Dáýrenbekov, aýyl sharýashylyǵy salasynyń úzdigi, «Agro-Esil» JShS-nyń dırektory Sergeı Domaev, jastarǵa arnalǵan «HA-HA shoý» ázil-syqaq jobasynyń rezıdenti jáne bas dırektory Aqsultan Qalıev, «Qazaqstannyń 100 jańa esimi-2017» jobasynyń jeńimpazy, «Qazaqstan Temir joly» ulttyq kompanııasy» AQ-nyń bas ınjeneri Batyr Qotyrov, «Bolashaq» baǵdarlamasynyń túlegi, «Atameken» ulttyq kásipkerlik palatasy Basqarma tóraǵasynyń orynbasary Oljas Ordabaev, «Qazaqstannyń 100 jańa esimi-2017» jobasynyń jeńimpazy, «Bolashaq» baǵdarlamasynyń túlegi, rejısser, ssenarıst Aıdıe Aıdarbekov, Qazaqstan Respýblıkasy Ádilet mınıstriniń orynbasary Elvıra Ázimova, «Shekarasyz sport» jobasynyń jetekshisi, múmkindigi shekteýli jandarǵa arnalǵan «Blind Race Astana-Paris» velomarafonynyń uıymdastyrýshysy Baqtııar Bazarbekov, sondaı-aq, belgili kásipker, «Qaǵanat» ashanalar jelisiniń negizin qalaýshy jáne ıegeri Shynar Búgimbaeva «Nur Otan» partııasynyń múshesi atandy.
Aıta keteıik, bul kúni jyldaǵy dástúr boıynsha Tuńǵysh Prezıdent kúnine oraı elimizdiń barlyq óńirinde partııaǵa qabyldaý rásimi ótkizildi.Sonyń nátıjesinde 2 myńnan astam qazaqstandyqqa partııalyq bıletteri saltanatty jaǵdaıda tapsyryldy.