Búgin «Aqorda» rezıdensııasy aldyndaǵy alańda Qazaqstan Respýblıkasy Prezıdentiniń shtandartyn saltanatty túrde kóterý rásimi ótti, dep habarlaıdy Aqordanyń baspasóz qyzmeti.
Elbasynyń shtandartyn kóterý rásimin ótkizý úshin rezıdensııa aldynda QR Memlekettik kúzet qyzmeti, «Aıbyn», Prezıdent polkiniń Qurmetti qaraýyly sap túzedi. Budan keıin shtandart saltanatty jaǵdaıda kóterilip, Ánuran oryndaldy.
Qazaqstan tarıhynda tuńǵysh ret Memleket basshysynyń baıraǵy 1995 jyldan qoldanyla bastady. Shtandart Respýblıka Prezıdentiniń tósbelgisi ispetti, memlekettiń joǵary laýazymdy tulǵasynyń resmı aıyrym belgisi bolyp sanalady. Ol Elbasynyń Astanadaǵy rezıdensııasynda turady jáne onyń kólikterinde bolady.