Mereke kúni Mańǵystaý oblysy Munaıly aýdanynda balabaqsha men turǵyn úı qoldanysqa berildi.
"Nurly jer" baǵdarlamasyn júzege asyrý aıasynda jalpy kólemi 13 888 sharmy metr quraıtyn 4 qabatty 7 turǵyn úı tapsyryldy. Bul jańa páterler kezekte turǵan memlekettik qyzmetkerlerge, bıýdjettik uıymdardyń jumysshylaryna jáne arnaıy sanattaǵy adamdarǵa berildi.
Jyl sońyna deıin Batyr aýylynda 4 páterlik 1 qabatty 20 turǵyn úı qoldanysqa beriledi dep kútilýde.
Sondaı-aq, Bozjyra aýylynda 140 balaǵa arnalǵan "Janymaı" bala baqshasynyń saltanatty ashylý rásimi ótti. Búgingi tańda Munaıly aýdany boıynsha barlyǵy 58 balabaqsha (15 memlekettik, 43 jeke menshik) bar. Jyl basynan beri 614 oryndyq quraıtyn 9 jeke menshik bala baqsha esigin aıqara ashyp, jyl sońyna deıin 497 oryndyq 7 jeke menshik balabaqsha iske qosylmaq. Qazirgi tańda tizimde 3-6 jas aralyǵyndaǵy búldirshinderdiń sany 330. Jyl sońyna deıin 97,3% balalar balabaqshaǵa ornalastyrylady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy