Aldymyzdaǵy jyly Ulytaý aýdanynda eki birdeı sport nysany boı kótermek. Bul týraly Ortalyq kommýnıkasııalar qyzmetiniń Qaraǵandy fılıalynda ótken brıfıngte aýdan ákimi Ánýar Omar málimdedi.
Jalpy, Ulytaý aýdanynda «Rýhanı jańǵyrý» baǵdarlamasy aıasynda áleýmettik mańyzǵa ıe toǵyz nysan salý josparda bar. Búginde onyń tórteýi iske asyrylyp, qalǵan beseýiniń qurylysy keler jyldyń enshisine qaldyrylǵan. Olardyń qatarynda 50 oryndyq demalys aýmaǵynyń, qazaq kúresi mektebi men Qarsaqbaı aýylyndaǵy stadıon qurylysy bar. Atalǵan jobalardyń barlyǵy da demeýshiler qarajatyna salynady.
Qaırat ÁBILDA,
«Egemen Qazaqstan»
Qaraǵandy oblysy