Temirtaý qalasyndaǵy Tuńǵysh Prezıdenttiń tarıxı-mádenı ortalyǵyna jańa eksklıýzıvti jádiger retinde Qazaqstan Prezıdenti Nursultan Nazarbaevtyń paıdalanýynda bolǵan 2005-shi jylǵy S-klassty «Mersedes» avtokóligi qoıyldy.
Qundy jádigerdi kórsetýge arnalǵan sharanyń birinshi kúninde jınalǵan adamnyń qarasy mol boldy. Olar ekskýrsııa júrgizýshilerinen kóliktiń sıpattamasyn erekshe qyzyǵýshylyqpen surastyrdy.
Elbasynyń qaýipsizdigin saqtaý maqsatynda arnaıy jasalǵan jaıly avtokóliktiń terezelerine oq ótpeıtin áınekter ornatylǵan jáne qaýipsizdik júıesimen jabdyqtalǵan. Kóliktiń salmaǵy 5,5 tonna.
Sharaǵa Prezıdenttiń seriktesteri shaqyryldy. Olar atalǵan ekspozısııa oblys turǵyndary, ásirese jastar úshin úlken mańyzǵa ıe ekenin atap ótti.
– Jastarǵa Elbasynyń qyzmettik kóligin, onyń jeke zattaryn tamashalaý óte qyzyqty. Sebebi Prezıdenttiń ómiri óskeleń urpaq úshin úlgi bolyp tabylady, – dep atap ótti Prezıdenttiń úzeńgiles seriktesi Ermek Tóleýbaev.
Qaırat ÁBILDA,
«Egemen Qazaqstan»
Qaraǵandy