Elimizge belgili sport jýrnalısi, «Egemen Qazaqstan» gazetiniń ardageri, jazýshy-jýrnalıst Ońdasyn Elýbaıdyń «Dúnıeni dúbirletken jeti doda» atty jınaǵy jaryq kórdi. Bul kitap «Qazaq sporty» gazetiniń 60 jyldyǵyna arnalǵan.
Ońdasyn Elýbaıdyń bul eńbeginde jeti Olımpııa oıyndaryna qatysyp, kózben kórip, sanasyna túıgen jaıttary qaǵaz betine túsken. Qolymyzǵa tıgen «Dúnıeni dúbirletken jeti doda» kitabyn paraqtaı otyryp, qazaq sportynyń elimiz táýelsizdik alǵan jyldarynda qol jetkizgen tabystaryna, keıingi tolqyn jas urpaqqa úlgi-ónege bolatyn, olardyń boıynda otansúıgishtik qasıetterdi, patrıottyq sezimderdi qalyptastyrýǵa arnalǵan shyǵarma ekenine kóz jetkizdik.
Avtor qazaq eli sańlaqtarynyń sońǵy jeti Olımpıadada qol jetkizgen tabystary men kemshilikteri týraly oı bólisedi jáne ózi túsirgen sýretterin usynady. Bul jınaq ásirese sportty janyna serik etken jetkinshekterge, stýdent jastarǵa, sport jankúıerlerine paıdaly. 368 betten, 500-den asa sýretten turatyn kitaptyń tili jatyq, oqýǵa jeńil.
Kitapta avtor tek sport týraly ǵana emes, ózi barǵan jeti memlekettiń, ıaǵnı Aýstralııa, Ulybrıtanııa, Qytaı, Italııa, Reseı jáne Ońtústik Koreıa memleketteriniń tarıhyn, ekonomıkasy men mádenıetin, tarıhı jetistikterin jazyp, oqyrmanmen oı bólisýdi de umytpaǵan.
Álı BITО́RE,
«Egemen Qazaqstan»