Mamandyq tańdaý – orta mektepti endi ǵana bitirgen jastardyń ózine degen eń negizgi mindeti. Bul asa mańyzdy sheshim úlken jaýapkershilikti qajet etedi, sebebi tańdalǵan mamandyq – olardyń keleshegi. Al el keleshegi – jastardyń qolynda.
Kóp salaly iri joǵary oqý orny bolyp tabylatyn M.Áýezov atyndaǵy Ońtústik Qazaqstan memlekettik ýnıversıteti quramyndaǵy «Pedagogıka jáne mádenıet» fakýltetinde «Beıneleý óneri jáne dızaın» kafedrasy óz ornyn tapqan. Bul kafedrada ǵylym doktory, perofessor, dosentter, ǵylym kandıdattary, Qazaqstan jáne shetel sýretshiler, dızaınerler odaǵynyń músheleri qyzmet etedi. Kafedranyń professor-oqytýshylar quramy qatarynda elimizdiń ǵana emes, shetel joǵary oqý ornyn úzdik bitirgen ustazdar da bar. Bul rette, kelesi jyly paıǵambar jasyn saltanatpen atap ótý nıetinde júrgen qurmetti de bilikti ustaz, Qazaqstan Respýblıkasynyń mádenıet qaıratkeri, Sýretshiler akademııasynyń korrespodent-múshesi, professor Ánýarbek Aıdosovty maqtanyshpen aıtýǵa bolady. H.A.Iаsaýı atyndaǵy Halyqaralyq Qazaq-Túrik ýnıversıtetiniń «Dızaın jáne jarnama» mamandyǵy boıynsha bitirgen ol, kóptegen jáne respýblıkalyq kórkemóner kórmelerine qatysyp keledi. Ánýarbek Aıdosovtyń shyǵarmashylyq jumystary búginde kóptegen alys, jaqyn shetel óner murajaıynda, kórkemsýret galereıalarynda jáne jeke qorlarda (AQSh, Germanııa, Ońtústik Koreıa, TMD memleketteri) saqtalýda. Ol sonymen qatar «Qazaq avangardy», «Kompozısııa negizderi» jáne «Keskindeme syry» atty oqý quraldarynyń avtory. Sondaı-aq bul qatarda A.N.Kosygın atyndaǵy Máskeý toqymashylyq ınstıtýtynyń «Tekstıl jáne jeńil ónerkásip buıymdaryn modeldeý jáne kórkem bezendirý» mamandyǵy boıynsha bitirgen, О́zbekstan Kórkemóner akademııasynyń shyǵarmashylyq birlestigi múshesi Bórijan Tórebaevty da atap aıtýǵa bolady. Ol kóptegen alys, jaqyn shetel jáne respýblıkalyq kórkemóner kórmelerine belsendi qatysqan (AQSh, Germanııa, Vetnam, Vengrııa, t.b. jáne birqatar TMD elderi). Bórijan Tórebaevtyń da shyǵarmashylyq jumystary Qazaqstan kórme dıreksııasy qorynan oryn alǵan. «Manestraly natıýrmort» atty keskindemelik kartınasy О́zbekstan memlekettik óner murajaıynda saqtalýda. Ol – «Ornament ı svet v dızaıne tekstılıa» Monografııa. LAP LAMBERT Academic Publishing /Germanııa/, «Osnovy dızaına tekstılnyh ızdelıı» oqýlyǵy, «Svet v tekstıle», «Tústaný», taǵy da basqa oqý quraldarynyń jáne 150-ge jýyq ǵylymı maqalalardyń avtory.
El ishi – óner kenishi. Degenmen jas talantty iriktep alyp, naǵyz óner maıtalmany dárejesine jetkizý – óte kúrdeli máselelerdiń biri. Osyndaı talapty jastardy qoldaý maqsatynda M.Áýezov atyndaǵy OQMÝ «Beıneleý óneri jáne dızaın» kafedrasyna qarasty «Jetiasar» kartına galereıasynda jyl saıyn kórmeler uıymdastyryp turý dástúrge aınalǵan. Jýyrda osy galereıada ýnıversıtetimizdiń 75 jyldyq mereıtoıyna arnalǵan «Dala áýenderi» atty stýdentter men belgili qylqalam jáne dızaın sheberleriniń kórmesi sátti ótti. «О́ner – óte kıeli uǵym ekendigi barshaǵa málim. Sondyqtan da ony qadirlep, sanaly túrde baǵalaı bilý – kúlli adamzat úshin basty mindet dep esepteımin», dedi kafedra meńgerýshisi Daýlethan Seıtmahanuly Bolysbaev osy kórmeniń saltanatty ashylý is-sharasynda sóılegen sózinde.
Elbasy N.Nazarbaevtyń jaqynda «Rýhanı jańǵyrý» atty baǵdarlamasynyń jalǵasy retinde jaryqqa shyqqan «Uly dalanyń jeti qyry» atty maqalasynda mynadaı sózder bar: «...Qazaqstannyń ejelgi turǵyndarynyń ozyq mádenıeti boldy.
Olardyń murasynyń jarqyn kórinisi, kórkem bolmysy men rýhanı baılyǵynyń aıshyqty belgisi «ań stıli» óneri.
...Ań stıli babalarymyzdyń aıryqsha joǵary óndiristik tájirıbesi bolǵanyn kórsetedi. Olar oıýlap keskindeýdi, metalmen jumys isteýdiń tehnıkasy, sonyń ishinde, mys pen qoladan balqymalar jasaýdyń jáne quımalar quıýdyń, jaıma altyn daıyndaýdyń kúrdeli ádisterin jaqsy meńgergen.
«...Rýhanı jańǵyrý» jalpyulttyq baǵdarlamasynyń jańa komponentteri ata-babalarymyzdyń kóp ǵasyrlyq murasynyń sıfrly órkenıet jaǵdaıynda túsinikti ári suranysqa ıe bolýyn qamtamasyz ete otyryp, ony jańǵyrtýǵa múmkindik beredi».
Prezıdentimiz aıtqandaı, «álemdik ónerdegi bıik belesterdiń biri bolyp sanalatyn «ań stıli» fenomeni» búgingi tańda kafedra ónertaný salasyndaǵy ǵana emes, barlyq beıneleý óneri jáne dızaın salasyndaǵy professor-oqytýshylarynyń basty nazarynda.
Memleket basshysy N.Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna arnaǵan bıylǵy Joldaýynda búgingi qoǵamdy tolǵandyrǵan áleýmettik problemalardy sheshýdiń naqty tetikteri usynylǵan. Osy Joldaýda Prezıdentimizdiń áleýmettik mańyzy bar máselelerdiń biri orta jáne joǵary bilim berý júıesin jetildirý jaıyna arnaıy toqtalǵanyn erekshe atap ótken jón. Budan bylaı joǵary oqý oryndarynyń biliktiligi túlekteriniń jumysqa ornalasýymen ólshenýi jáne basqa da tájirıbelerdi negizge alýyn Elbasynyń óte utymdy ıdeıasy dep sanaýǵa bolady.
Maman daıyndaý salasynda joǵary bilim berý sıpaty talabyn kóterý kerek – Memleket basshysy óziniń jańa Joldaýynda búgingi naryq jaǵdaıynda pedagogter arasynan bilimniń joǵary sıpatyn qamtamasyz ete alatyndar ǵana qalýy tıis degen sózdi qadap aıtyp, osyndaı tapsyrmany kún tártibine qoıdy.
Sol sebepti, egemendi elimizdiń senimine, zaman talabyna saı, básekege qabiletti zamanaýı mamandyq ıesin daıyndaý – M.Áýezov atyndaǵy Ońtústik Qazaqstan memlekettik ýnıversıtetiniń «Beıneleý óneri jáne dızaın» kafedrasy professor-oqytýshylary úshin basty maqsat. Bul – árıne olar úshin joǵary azamattyq jaýapkershilikti júkteıdi.
Dáýlethan Bolysbaev,
OQMÝ «Beıneleý óneri jáne dızaın» kafedrasynyń meńgerýshisi, fılos.ǵ.k., dosent, QR Dızaınerler odaǵynyń múshesi,
Bórijan Tórebaev,
OQMÝ «Beıneleý óneri jáne dızaın» kafedrasynyń aǵa oqytýshysy, О́R Kórkemóner akademııasynyń shyǵarmashylyq birlestigi múshesi