Qyzylordada oblystyq medısına ortalyǵynyń jıyrma jyldyǵy atap ótildi.
Zaman talabyna saı Elbasynyń qoldaýymen salynǵan ortalyq osy óńirdiń medısınada qordalanǵan máselelerin sheship keledi. Buryn dertti jurt ota jasatý úshin Almaty, Astana barsa búginde osy ortalyqty tańdaıdy. Aıtýly merekemen ortalyq qyzmetkerlerin quttyqtaǵan oblys ákimi Qyrymbek Kósherbaev bul ortalyqtyń Memleket Basshysynyń qoldaýymen salynǵanyn tilge tıek etti.
- Oblystyq medısına ortalyǵynyń tolyq aıaqtalýy – Elbasymyz Nursultan Ábishuly Nazarbaevtyń tabandy saıasatynyń jemisi. Osydan 20 jyl buryn jeltoqsan aıynda Syr boıyna kelip, medısına ortalyǵynyń lentasyn qıdy. Zaman talabyna saı bolýǵa amanat arqalatty. Oblystyq medısına ortalyǵy óńirde kópsalaly medısınalyq kómek kórsetetin jalǵyz ortalyq. Osy ortalyqtyń zaman talabyna saı bolyp, medısınanyń sońǵy jetistigin ıgerýge kúsh salýymyz qajet,-dedi oblys basshysy.
Saltanatty jıynda medısına ortalyǵynyń ujymy atynan medısına ardageri Turǵanbaı Mahanov quttyqtady.
Oblys ákimdigi mamandardy daıarlaý isine úlken kóńil bólip otyr. Búginde ákim granty arqyly 72 stýdent elimizdegi jetekshi oqý oryndarynda bilim alyp jatsa, oblys dárigerleri shet eldiń myqty klınıkalarynda tájirıbeden ótýde.
Baqtııar TAIJAN,
«Egemen Qazaqstan»
Qyzylorda oblysy