Pogodın atyndaǵy orys darma teatrynyń foıesinde oblystyq, qalalyq atqarýshy bıliktiń, departament, basqarma jetekshileriniń qatysýymen ashyq qoǵamdyq qabyldaý kúni uıymdastyryldy.
Turǵyndarmen tike baılanys barysynda tolǵandyrǵan saýaldarǵa jaýap berildi.
Aımaq basshysy Qumar Aqsaqalovtyń qabyldaýyna kelgen soltústikqazaqstandyqtar aryz-shaǵymdaryn aıtyp, oń sheshim tabýyna yqpal etýin ótindi. Kelýshilerdi turǵyn-úı kommýnaldyq sharýashylyq, abattandyrý, baspana, saıajaı máseleleri kóbirek tolǵandyratyn bolyp shyqty. Kóp balaly ana Aqbıke Meńdibaeva Maǵjan Jumabaev aýdanynan at sabyltyp kelipti. Ol joǵarǵy oqý ornynda oqıtyn qyzynyń oqý aqysyn tóleı almaı qınalyp júr eken. SQMÝ basshylyǵy otbasyǵa jeńildik jasaıtyn boldy. Petropavl qalasynyń turǵyny Gúlmıra Esentemirova kóp qabatty úıdiń jertólesin kóktemde sý basyp ketetinine, naqty shara qoldanylmaıtynyna renishin bildirdi. Qumar Irgebaıuly qajet bolsa drenaj júıesi ornatylatynyn aıtty.Klavdııa Temırova múgedekter qoǵamyna qarasty ǵımaratty jóndeýge kómek surady.
Ashyq qabyldaýǵa qoǵamdyq usynystarmen kelgen adamdar da az bolmady. Máselen, jergilikti kompanııa ókilderi bý tamshylary tehnologııasyn qurylys salasynda qoldanýdy usyndy. Bul tehnologııa energııany únemdeýge úlken kómegin tıgizbek. Innovasııalyq ıdeıany óńir basshysy qoldady.
Aımaq basshysy 27 turǵyndy jeke qabyldap, aıtylǵan máselelerdi jeke baqylaýyna alatynyna sendirdi. Barlyǵy 135 soltústikqazaqstandyq qoǵamdyq qabyldaýda bolyp, -ótinish-tilekterin erkin, ashyq jetkizýge múmkindik aldy.
О́mir ESQALI,
«Egemen Qazaqstan»
Soltústik Qazaqstan oblysy