Jeltoqsannyń 18-22 aralyǵynda Aqtóbe qalasynda mánerlep syrǵanaýdan Qazaqstan birinshiligi ótip, jeńimpazdar anyqtaldy dep habarlaıdy Olympic.kz.
Erler arasynda astanalyq Nıkıta Manko chempıon atandy. Kúmis júldeni taǵy bir astanalyq sportshy, jaqynda Zagrebte ótken halyqaralyq týrnırdiń qola júldegeri Rahat Bralın ıelendi.
Úzdikter úshtigin almatylyq Vladıslav Fıl qorytyndylady.
Qyzdar arasynda Alana Toqtarova top jardy. Ekinshi orynda Aıza Imambek, úshinshi satyda Veronıka Sheveleva.
Eske sala keteıik, ulttyq qurama kóshbasshysy Elızabet Tursynbaeva el chempıonatyna qatysqan joq.