Bolashaqqa kóz tastaý elimizdiń tarıhyn tereń tanýdan bastalmaq. Osy oraıda Elbasynyń «Uly dalanyń jeti qyry» atty tujyrymdamalyq maqalasy bizdiń ótkenimizdi tarıhı turǵydan keńinen qarastyrý úderisindegi jańa baǵyt bolmaq.
О́z tarıhymyzdy bilý, tarıhı oqıǵalar men qubylystardy taný qazaqtardyń jáne basqa da etnostyq toptardyń etnogenezine áser etedi, sol arqyly biz ótkenimizdiń ulylyǵyn tereń tanımyz. Sol arqyly qazirgi zamanǵy qazaqstandyqtardyń qoǵamdyq sanasy tarıhtyń jarqyn mysaldarymen jetildiriledi. «Tól tarıhyn biletin, baǵalaıtyn jáne maqtan etetin halyqtyń bolashaǵy zor bolady» degen oıdyń Elbasy tarapynan senimmen aıtylýy Qazaqstan halqyn jarqyn bolashaǵymyzǵa baǵyttaıdy jáne jigerlendiredi.
Uly dalanyń qyrlaryn usyna otyryp, Prezıdent N.Á.Nazarbaev ǵalamdyq tarıhta bizdiń rólimizdi baıypty jáne obektıvti túsinýde naqty ǵylymı faktilerge súıenýdiń qajettigin aıtýy, bizderdi – Qazaqstan halqyn, jas urpaqty óz tarıhymyzdy tanýǵa jumyldyrý dep túsinýge jeteleıdi.
Bizdiń aldymyzǵa qoıylǵan maqsattarǵa jetý úshin mindetti túrde tarıhymyzdy bilýge tıispiz.
Men kásibı muǵalim retinde, bolashaq urpaqty bilim alý aıasyn keńeıtýge umtylýǵa shaqyrar edim. Sonda biz memleketimizdiń úsh ustyny sanalatyn ekonomıka, áleýmettik damý jáne rýhanııat úsheýin de qatar jetildirer edik. Tarıhty taný osylardyń ishinde biregeı baǵyt retinde damı túsken bolar edi.
«Rýhanı jańǵyrý» baǵdarlamasynyń ıgi nátıjelerin jalǵastyra túsýge jol ashyldy. Endigi jerde osy baǵytqa belgilengen ǵylymı jáne qarjylyq resýrstardy tıimdi paıdalanyp, qazaq handyǵynan buryn ómir súrgen ejelgi babalarymyzdyń óndirisi, mádenıeti men ónerin barynsha ádil, muqııat zertteýge kúsh salýymyz qajet. Osy oraıda bastaýy Qazaqstan jerinde bolǵan, ómirimizge óshpes iz qaldyrǵan qundylyqtarymyzdy jańa zamanda da damyta túsýimiz mańyzdy.
Bul jerde aıtaıyn degenim, Qazaqstannyń qyzǵaldaq pen almanyń tarıhı mekeni ekenin eskere otyryp, olardy el ıgiligine aınaldyrsaq, ult maqtanyshy retinde qarastyrsaq degen nıetimiz bar.
Elbasynyń jurtshylyqtyń qyzý talqylaýy men pikir almasýyna túsken bul maqalasy baǵzy zamannan kele jatqan asyl qundylyqtarymyzdy qadir tutýǵa, táýelsiz urpaǵymyzdyń bolashaǵyna paıdalanýǵa jol silteıtin qundy dúnıe jáne maqalada atalǵan barsha máseleler halqymyzdyń bul kúnge deıingi tarıhy jáne budan keıingi bolashaǵymen tikeleı baılanysty. Bul maqala – bizdiń Elbasynyń «Rýhanı jańǵyrý» baǵdarlamasynyń zańdy jalǵasy.
Natalıa JUMADILDAEVA,
Parlament Májilisiniń depýtaty