Qazaqstan Prezıdenti Nursultan Nazarbaev BAQ ókilderimen kezdesip, «Uly dalanyń jeti qyry» atty maqalasyn qandaı maqsatta jazǵanyn aıtty.
«Keńes odaǵynda ómir súrgende bizdiń tarıhymyz «Qazan revolıýsııasynan» bastalady dep oqytty. Odan ary qaraı eshteńe joq sııaqty. Bárimizdiń mektepte de, joǵary oqý ornynda da oqyǵanymyz osy. Sondyqtan balalarymyz «sender qaıdan shyqtyńdar?» dese, durystap jaýap bere almaıdy. Bizdiń úlken tarıhymyz bar ekenin jastarymyz bilý kerek. Tarıhymyz Saqtardan, Ǵundardan, Uly Túrki dúnıesinen bastaý alady desek te bolady. Biz sol kezden beri qaraı kele jatyrmyz. Mońǵoldardyń kóbi qypshaqtar, qazaqtyń birneshe rýlarynan quralǵan. Sondyqtan óskeleń urpaq osynyń bárin bilsin dep jazdym. Bizdiń qadym zamannan kele jatqan tereń tarıhymyz bolǵan. Kúni keshe ǵana aspannan salbyrap túsken joq. Biz úlken taıpalardyń, halyqtardyń, úlken ımperııalardyń urpaǵymyz dep jastarymyz aıtyp júrsin degen maqsatpen jazdym.
Sondaı-aq men bul maqalany búkil álemge at úıretý bizden bastalǵanyn, metallýrgııanyń bizde bolǵanyn, ǵylymǵa da, mádenıetke de ózimizdiń úlesimiz bar halyq ekenin kórsetý úshin jazdym. Menińshe, bul maqala jastarǵa kerek dep oılaımyn. Osy arqyly biz naǵyz tarıhymyzdy aıtyp júrýimiz kerek», dedi Elbasy.