2018 eleýli oqıǵalarǵa toly boldy. Bir kúni jaqsy jańalyqqa qýanyp úlgersek, keı jańalyqtar jan túrshiktirip jatty. Álem nazaryn aýdaryp qana qoımaı, úlken talqyǵa túsken eleýli oqıǵalardy usynamyz.
2018 jyldyń aqpanynda AQSh Qorǵanys mınıstrligi jańa ıadrolyq doktrınasyn usynǵan bolatyn.
Aqpannyń 9-25 arasynda Koreı Respýblıkasynyń Phenchhan qalasynda XXIII qysqy Olımpıada oıyndary ótti. Olımpıada nátıjesi boıynsha alǵashqy ondyqqa Norvegııa, Germanııa, Kanada, AQSh, Nıderlandy, Shvesııa, Ońtústik Koreıa, Shveısarııa, Fransııa, Aýstrııa kirdi.
11 aqpan Moskvadan Orskke ushyp bara jatqan An-148 ushaǵy qulap, 65 jolaýshy men 6 ekıpaj múshesi qaza tapty.
Bul oqıǵadan birneshe kún soń Mardjorı Stoýnman Dýglas meektebinde atys bolyp, oqıǵa nátıjesinde 17 adam qaıtys boldy, 14 adam jaraqattandy.
18 aqpan Tegerannan Iаsýdjǵa baǵyt alǵan ATR 72-200 ushaǵy Dena taýyna soǵysyp, 60 jolaýshy men 6 ekıpaj múshesi qaıtys boldy.
25 naýryz Reseıdiń Kemerovo qalasynda «Zımnıaıa vıshnıa» saýda ortalyǵy órtke oranyp, 60 adam qaza tapty. 28 naýryzda Reseı Federasııasynda qaraly kún jarııalandy.
11 sáýir Aljır tarıhyndaǵy eń úlken qaza boldy. Il-76 ushaǵy Blıda qalasynyń túbinde qulap, 257 adam qaıtys boldy.
Ońtústik Koreıa men Soltústik Koreıa prezıdentteri Kım Chen Yn men Mýn Chje In alǵash ret 27 sáýirde Phanmýndjom shekaralyq pýnktinde kezdesti.
5 mamyr NASA InSight mıssııasyn Marsqa attandyrdy.
1 maýsym Reseı BUU Qaýipsizdik komıtetine basshylyq etti.
14 maýsym-15 shilde arasynda Reseı Fedarsııasynda fýtboldan álem chempıonaty ótti. Chempıonat nátıjesinde Fransııa quramasy ekinshi ret álem chempıony atandy.
Shildede Taılandtaǵy úńgir sýǵa tolyp, ishinde 12 bala qalyp qoıǵan bolatyn. Tham Lýang úńgir kesheninen qutqarylǵan balalar aman-esen otbasylarymen qaýyshty.
18 tamyz – 2 qyrkúıek arasynda Jazǵy Azııa oıyndary ótti. Indonezııa astanasynda ótken sport jarysynda Qytaı 289 medalmen kósh bastady.
Argentına áskerleri bir jyl buryn batyp ketken «San-Hýan» sýasty kemesiniń tapqanyn habarlady. Kemede 44 adam bolǵan. Alaıda, kemeni shyǵarý ońaı bolmaıtynyn sarapshylar aldyn-ala eskertken bolatyn.
2018 jyly qazanda Germanııa kansleri Angela Merkel ózi basqaratyn Germanııanyń hrıstıan-demokratııalyq odaǵy partııasynyń basshylyǵynan ketti.
2 qazan Saýd Arabııasynyń týmasy, jýrnalıst Djamal Hashshogı Túrkııadaǵy Saýd Arabııasynyń elshiliginde óltirildi. Álemdi dúrliktirgen qaza birneshe memlekettiń basshylaryn beı-jaı qaldyrmady.
2007 jyldan beri Ronaldý men Messıden basqaǵa buıyrmaı kele jatqan «Altyn dop» bıyl Lýka Modrıchke tabystaldy. 33 jastaǵy horvatııalyq fýtbolıst 3 jeltoqsan kúni marapattaldy.
22 jeltoqsan Indonezııanyń Zond buǵazy jaǵalaýynda bolǵan sýnamı saldarynan 429-dan astam adam qaza tapty, 1400 adam jaraqat aldy.