Qazaqstan Respýblıkasynyń Zańy №516-IV

Qazaqstan Respýblıkasynyń Zańy №516-IV

Beısenbi, 5 qańtar 2012 6:55

«Notarıat týraly» Qazaqstan Respýblıkasynyń Zańyna ózgerister men tolyqtyrýlar engizý týraly

1-bap. «Notarıat týraly» 1997 jylǵy 14 shildedegi Qazaqstan Respýb­lıkasynyń Zańyna (Qazaqstan Respýblıkasy Parlamentiniń Jarshysy, 1997 j., № 13-14, 206-qujat; 1998 j., № 22, 307-qujat; 2000 j., № 3-4, 66-qujat; 2001 j., № 15-16, 236-qujat; № 24, 338-qujat; 2003 j., № 10, 48-qujat; № 12, 86-qujat; 2004 j., № 23, 142-qujat; 2006 j., № 11, 55-qujat; 2007 j., № 2, 18-qujat; 2009 j., № 8, 44-qujat; № 17, 81-qujat; № 19, 88-qujat; № 23, 100-qujat; 2010 j., № 17-18, 111-qujat; 2011 j., № 11, 102-qujat) mynadaı ózgerister men tolyqtyrýlar engizilsin:

Beısenbi, 5 qańtar 2012 6:55

«Notarıat týraly» Qazaqstan Respýblıkasynyń Zańyna ózgerister men tolyqtyrýlar engizý týraly

1-bap. «Notarıat týraly» 1997 jylǵy 14 shildedegi Qazaqstan Respýb­lıkasynyń Zańyna (Qazaqstan Respýblıkasy Parlamentiniń Jarshysy, 1997 j., № 13-14, 206-qujat; 1998 j., № 22, 307-qujat; 2000 j., № 3-4, 66-qujat; 2001 j., № 15-16, 236-qujat; № 24, 338-qujat; 2003 j., № 10, 48-qujat; № 12, 86-qujat; 2004 j., № 23, 142-qujat; 2006 j., № 11, 55-qujat; 2007 j., № 2, 18-qujat; 2009 j., № 8, 44-qujat; № 17, 81-qujat; № 19, 88-qujat; № 23, 100-qujat; 2010 j., № 17-18, 111-qujat; 2011 j., № 11, 102-qujat) mynadaı ózgerister men tolyqtyrýlar engizilsin:

1) 1-baptyń 1-tarmaǵy mynadaı redaksııada jazylsyn:

«1. Qazaqstan Respýblıkasyndaǵy notarıat – bul notarıattyq is-áreketter jasaý arqyly jeke, zańdy tulǵalardyń quqyqtary men zańdy múddelerin qorǵaýdy qamtamasyz etetin bilikti zań kómegin kórsetý jónindegi quqyqtyq ınstıtýt.»;

2) 3-bapta:

1-tarmaq mynadaı redaksııada jazylsyn:

«1. Notarıattyq qyzmet – bul notarıýstyń osy Zańda jáne Qazaqstan Respýblıkasynyń ózge de zańnamalyq aktilerinde kózdelgen notarıattyq is-áreketterdi jasaýy.

Osy Zańda belgilengen jaǵdaılarda jáne shekterde jekelegen notarıat­tyq is-áreketterdi arnaıy ýákiletti laýazymdy adamdar jasaı alady.

Qazaqstan Respýblıkasyndaǵy notarıattyq qyzmet notarıattyq is-áre­ketterdiń zańdylyǵy, táýelsizdigi, qupııalylyǵy qaǵıdattaryna negizdeledi.

Notarıattyq qyzmet kásipkerlik qyzmet bolyp tabylmaıdy.»;

mynadaı mazmundaǵy 4-1-tarmaqpen tolyqtyrylsyn:

«4-1. Notarıattyq is-áreketterdiń qupııalylyǵyn saqtaýǵa mindettilik notarıýstyń taǵylymdamadan ótýshileri men kómekshilerine qoldanylady.»;

3) 4-bapta:

1-tarmaqta:

«kelisý arqyly» degen sózderden keıin «Respýblıkalyq notarıattyq palatanyń qatysýymen» degen sózdermen tolyqtyrylsyn;

«nusqaýlyqqa», «Nusqaýlyq» degen sózder tıisinshe «qaǵıdaǵa», «Qaǵıda» degen sózdermen aýystyrylsyn;

2-tarmaqtaǵy «Nusqaýlyq» degen sóz «Qaǵıda» degen sózben aýystyrylsyn;

4) 6-bapta:

1-tarmaq mynadaı redaksııada jazylsyn:

«1. Eger osy Zańda ózgeshe kózdelmese, jasy jıyrma beske tolǵan, joǵary zań bilimi, zańger mamandyǵy boıynsha keminde eki jyl jumys ótili bar, notarıýsta keminde bir jyl merzimmen taǵylymdamadan, ádilet attestattaý komıssııasynda attestattaýdan ótken jáne notarıattyq qyzmetpen aınalysý quqyǵyna lısenzııa alǵan Qazaqstan Respýblıkasynyń azamaty notarıýs bola alady.

Qazaqstan Respýblıkasynyń memlekettik qyzmet týraly zańnamasynda belgilengen tártippen qyzmet atqaratyn ákimshilik memlekettik qyzmetshi memlekettik notarıýs bolyp tabylady.

Notarıattyq qyzmetpen aınalysý quqyǵyna lısenzııa alýdy qospa­ǵanda, memlekettik notarıýsqa osy baptyń birinshi bóliginde kórsetilgen talaptar qoldanylady.

Zańda belgilengen tártippen sottylyǵy ótelmegen nemese alynbaǵan, belgilengen tártippen is-áreket jasaýǵa qabiletsiz ne is-áreket jasaýǵa qabilettiligi shekteýli dep tanylǵan adam notarıýs bola almaıdy.

О́zine qatysty aqtalmaıtyn negizder boıynsha qylmystyq is toqtatyl­ǵan, lısenzııasynan aıyrylǵandyqtan ne notarıattyq is-áreket jasaý kezinde Qazaqstan Respýblıkasy zańnamasynyń buzylýyna jol bergeni úshin memlekettik notarıýs qyzmetinen bosatylǵandyqtan notarıattyq qyzmetti toqtatqan adam da osyndaı oqıǵa bolǵannan keıin bes jyl boıy notarıýs bola almaıdy.»;

3-tarmaq «osy Zańnyń» degen sózderdiń aldynan «memlekettik notarıýsty jáne» degen sózdermen tolyqtyrylsyn;

mynadaı mazmundaǵy 4-tarmaqpen tolyqtyrylsyn:

«4. Aýmaqtyq ádilet organy memlekettik notarıýstyń notarıattyq is-áreketteri úshin múliktik jaýapkershilikte bolady.»;

5) 7-bap mynadaı redaksııada jazylsyn:

«7-bap. Notarıýstyń kómekshileri men taǵylymdamadan ótýshileri

1. Notarıýstyń kómekshileri men taǵylymdamadan ótýshileri bolýy múmkin.

2. Qazaqstan Respýblıkasynyń azamaty ǵana notarıýstyń kómekshisi bola alady.

3. Notarıýstyń kómekshisi jeke praktıkamen aınalysatyn notarıýsta eńbek shartynyń negizinde jumys isteı alady nemese memlekettik notarıat keńsesiniń quramynda bola alady.

4. Joǵary zań bilimi bar Qazaqstan Respýblıkasynyń azamattary notarıýstyń taǵylymdamadan ótýshileri bola alady.

Taǵylymdamadan ótýshiler taǵylymdamadan ótý týraly shart negizinde jeke praktıkamen aınalysatyn notarıýstarda nemese memlekettik notarıýstarda taǵylymdamadan ótedi.

Notarıattyq qyzmetpen aınalysý quqyǵyna úmitker adam aýmaqtyq ádilet organymen nemese aýmaqtyq notarıattyq palatamen taǵylymdamadan ótý týraly shart jasasady.

5. Kómekshi men taǵylymdamadan ótýshi notarıýstyń nusqaýymen jáne jaýapkershiligimen onyń notarıattyq qyzmetti almastyrýǵa tıisti emes jáne notarıattyq is júrgizý boıynsha kómekshi sıpatta bolýy múmkin tapsyrmalaryn oryndaýǵa quqyly.

6. Zań mamandyǵy boıynsha keminde bes jyl ótili bar adamdar úshin aýmaqtyq ádilet organy men notarıattyq palatanyń birlesken sheshimimen taǵylymdamanyń merzimi qysqartylýy múmkin. Taǵylymdamanyń uzaqtyǵy úsh aıdan kem bolmaýy kerek.

7. Taǵylymdamadan ótýshiniń notarıattyq is-áreketterdi jasaýy jáne notarıýstyń jumysyn uıymdastyrý jónindegi kásibı bilim men praktıka­lyq daǵdylardy alýy taǵylymdamadan ótýdiń maqsaty bolyp tabylady.

8. Bir notarıýstan bir mezgilde ekeýden aspaıtyn taǵylymdamadan ótýshi taǵylymdamadan óte alady.

 9. Taǵylymdamadan ótý Respýblıkalyq notarıattyq palatamen kelisim boıynsha Qazaqstan Respýblıkasy Ádilet mınıstriniń buıryǵymen bekitiletin taǵylymdamadan ótýshilerdi kásiptik daıarlaýdyń biryńǵaı baǵdarlamasy boıynsha júzege asyrylady.

Taǵylymdamadan ótýshilerdi kásiptik daıarlaý baǵdarlamasy barlyq taǵylymdamadan ótýshiler úshin mindetti bolyp tabylady jáne nota­rıýstyń kásibı jáne etıkalyq minez-qulyq normalaryn zerdeleýdi, notarıýstar nemese taǵylymdamadan ótýshiler úshin arnaıy uıymdastyrylatyn semınar sabaqtaryna qatysýdy qosa alǵanda, taǵylymdamadan ótýshiniń arnaıy teorııalyq bilimder, notarıattyq is-áreketterdi jasaý jáne notarıýstyń jumysyn uıymdastyrý jóninde praktıkalyq daǵdylardy alýyna baǵyttalǵan is-sharalar tizbesin qamtýǵa tıis.

Taǵylymdama merzimin qysqartý taǵylymdamadan ótýshini taǵylym­damadan ótý baǵdarlamasyn meńgerý mindetinen bosatpaıdy.

10. Taǵylymdamadan ótý aıaqtalǵan soń notarıýs taǵylymdamadan ótýshiniń kásiptik daıarlaý baǵdarlamasyn oryndaǵanyn kórsetetin qory­tyndy daıyndaıdy, ol on jumys kúni ishinde aýmaqtyq ádilet organy men notarıattyq palatanyń birlesken sheshimimen bekitiledi. Taǵylym­damadan ótýshilerdi kásiptik daıarlaý baǵdarlamasyn taǵylymdamadan ótýshi tolyq meńgermegen jaǵdaıda oǵan qosymsha ýaqyt beriledi.

11. Taǵylymdamadan ótýshilerdi kásiptik daıarlaý baǵdarlamasyn tolyq meńgerý taǵylymdamadan ótýdiń mindetti talaby bolyp tabylady.

12. Teris sebeptermen atqaryp júrgen qyzmetinen bosatylǵandardy qospaǵanda, osy baptyń talaptary memlekettik notarıýstyń jumys ótili bar adamdarǵa qoldanylmaıdy.»;

6) mynadaı mazmundaǵy 7-1 jáne 7-2-baptarmen tolyqtyrylsyn:

 «7-1-bap. Notarıattyq qyzmetpen aınalysý quqyǵyna ádilet attestattaý komıssııasy

1. Notarıattyq qyzmetpen aınalysý quqyǵyna úmitker adamdar oblystardyń, respýblıkalyq mańyzy bar qalanyń jáne astananyń aýmaqtyq ádilet organdarynda qurylatyn notarıattyq qyzmetpen aınalysý quqyǵyna ádilet attestattaý komıssııalarynda attestattaýdan ótedi.

Notarıattyq qyzmetpen aınalysý quqyǵyna ádilet attestattaý komıssııasy jeti músheden – notarıattyq palatanyń tóraǵasyn qosa alǵanda eki notarıýstan, aýmaqtyq ádilet organynyń eki ókilinen, quqyqtanýshy-ǵalymnan jáne máslıhattyń eki depýtatynan turady.

Notarıattyq qyzmetpen aınalysý quqyǵyna ádilet attestattaý komıs­sııalarynyń derbes quramy jáne olardyń jumys reglamenti Qazaqstan Respýblıkasy Ádilet mınıstriniń buıryǵymen bekitiledi.

2. Notarıattyq qyzmetpen aınalysý quqyǵyna ádilet attestattaý komıssııasynyń negizgi mindetteri:

1) notarıattyq qyzmetpen aınalysýǵa lısenzııa alýǵa úmitkerlerdi sapaly irikteýdi qamtamasyz etý;

2) otyrystardyń ashyqtyǵy men jarııalylyǵyn qamtamasyz etý bolyp tabylady.

3. Notarıattyq qyzmetpen aınalysý quqyǵyna ádilet attestattaý komıssııasynyń otyrysyna buqaralyq aqparat quraldarynyń ókilderi qatysýǵa quqyly.

4. Notarıattyq qyzmetpen aınalysý quqyǵyna ádilet attestattaý komıssııasy otyrysynyń ashyqtyǵy men jarııalylyǵyn qamtamasyz etý maqsatynda aýdıojazba jáne (nemese) beınejazba ne stenografııalaý júzege asyrylady. Otyrys barysynda alynǵan stenogramma, aýdıojazba jáne (nemese) beınejazba otyrystyń hattamasyna tigiledi jáne notarıattyq qyzmetpen aınalysý quqyǵyna ádilet attestattaý komıssııasynyń materıaldarymen birge saqtalady.

7-2-bap. Attestattaýdy ótkizý tártibi men sharttary

1. Taǵylymdamadan ótken jáne notarıattyq qyzmetpen aınalysýǵa úmitker adamdardy attestattaýdan ótkizý tártibi men sharttary Qazaqstan Respýblıkasynyń Úkimeti bekitken qaǵıdalarmen aıqyndalady.

2. Notarıattyq qyzmetpen aınalysý quqyǵyna úmitker adam taǵylym­damadan ótkennen keıin Qazaqstan Respýblıkasynyń zańnamasynda kózdel­gen qujattaryn qosa tirkeı otyryp, oblystardyń, respýblıkalyq mańyzy bar qalanyń jáne astananyń aýmaqtyq ádilet organdary arqyly ony attes­tattaýǵa jiberý týraly ótinishin turǵylyqty jeri boıynsha tıisti notarıat­tyq qyzmetpen aınalysý quqyǵyna ádilet attestattaý komıssııasyna joldaıdy.

3. Qujattar tıisinshe resimdelmegen ne olardyń tolyq toptamasy tabys etilmegen jaǵdaıda, oblystardyń, respýblıkalyq mańyzy bar qalanyń jáne astananyń aýmaqtyq ádilet organdary qaıtarý sebebi týraly jazbasha habarlamamen ol túsken kúnnen bastap bes jumys kúninen keshiktirmeıtin merzimde úmitkerge ózi usynǵan qujattarymen birge ótinishti qaramastan qaıtarady.

4. Eger úmitker osy Zańda belgilengen talaptarǵa sáıkes kelmese, ony attestattaýǵa jiberýden bas tartylady.

Attestattaýǵa jiberýden bas tartylǵan jaǵdaıda, oblystardyń, respýblıkalyq mańyzy bar qalanyń jáne astananyń aýmaqtyq ádilet organdary ótinish túsken kúnnen bastap on bes jumys kúninen keshiktirmeı dáleldi sheshimdi úmitkerge jiberedi.

Attestattaýǵa jiberýden bas tartýǵa zańda belgilengen tártippen sotqa shaǵym jasalýy múmkin.

 5. Attestattaýǵa jiberilgen úmitkerdi attestattaýdyń ótetin orny, kúni, ýaqyty, tártibi týraly ony ótkizgenge deıin kúntizbelik on kúnnen keshiktirmeı oblystardyń, respýblıkalyq mańyzy bar qalanyń jáne astananyń aýmaqtyq ádilet organdary jazbasha habardar etedi.

 6. Notarıattyq qyzmetpen aınalysý quqyǵyna ádilet attestattaý komıssııasy attestattaýdy qajettiligine qaraı, biraq toqsanyna keminde bir ret ótkizedi.

 7. Attestattaý mynadaı eki kezeńnen turady:

 1) Qazaqstan Respýblıkasynyń zańnamasyn bilýden kompıýterlik test tapsyrý;

2) emtıhan bıletteri boıynsha aýyzsha tapsyrmany oryndaý.

 8. Úmitker óz tańdaýy boıynsha testileýden qazaq nemese orys tilinde ótýge quqyly.

 Testileý kompıýter tehnıkasyn paıdalana otyryp ótkiziledi.

9. Attestattaý nátıjesi boıynsha notarıattyq qyzmetpen aınalysý quqyǵyna ádilet attestattaý komıssııasy attestattalǵany týraly ne attestattalmaǵany týraly dáleldi sheshimdi attestattaý ótken kúnnen keıingi kelesi kúnnen keshiktirmeı shyǵarady.

Attestattalǵany týraly komıssııa sheshimi ol shyǵarylǵan kezden bastap úsh jyl boıy jaramdy bolyp tabylady.

Ádilet attestattaý komıssııasynyń sheshimine zańda belgilengen tártippen sotqa shaǵym jasalýy múmkin.

 10. Attestattaýdan ótý kezinde úmitkerdiń anyqtamalyq, arnaýly jáne basqa da ádebıetti, baılanys quraldaryn, sondaı-aq qandaı da bir jazbalardy paıdalanýyna jol berilmeıdi.

Atalǵan talaptar buzylǵan jaǵdaıda notarıattyq qyzmetpen aınalysý quqyǵyna ádilet attestattaý komıssııasy úmitkerdi attestattaýdan shettetedi.

Attestattaýdan shettetilgen úmitker notarıattyq qyzmetpen aınalysý quqyǵyna ádilet attestattaý komıssııasy sheshim shyǵarǵan kúnnen bastap úsh aı ótken soń osy Zańda kózdelgen tártippen attestattaýǵa jiberý týraly qaıta ótinish berýge quqyly.

11. Dáleldi sebeppen attestattaýǵa kelmegen úmitker osy baptyń 5-tar­maǵynda kózdelgen tártippen notarıattyq qyzmetpen aınalysý quqyǵyna ádilet attestattaý komıssııasynyń kelesi otyrysyna shaqyrylady.

Úmitker taǵy da kelmeı qalǵan jaǵdaıda onyń ótinishi qaraýsyz qaldyrylady jáne onyń tapsyrǵan qujattarymen qosa qaıtarylady.»;

7) 8-baptyń 6-1-tarmaǵy alyp tastalsyn;

8) 10-bapta:

1-tarmaqtaǵy «, sondaı-aq salyq qyzmetiniń» degen sózder alyp tastalsyn;

2-tarmaqta:

birinshi abzasyndaǵy «toqtatyla turýy múmkin» degen sózder «toqtatyla turady» degen sózdermen aýystyrylsyn;

3) tarmaqshasyndaǵy «, sondaı-aq onyń úı-jaıynyń ornalasqan orny ózgergeni» degen sózder alyp tastalsyn;

5) tarmaqsha mynadaı redaksııada jazylsyn:

«5) notarıýs memlekettiń, jeke jáne zańdy tulǵalardyń quqyqtary men zańdy múddeleriniń buzylýyna ákep soqqan notarıattyq is-áreketter jasaǵan kezde Qazaqstan Respýblıkasynyń zańnamasyn buzǵanda;»;

mynadaı mazmundaǵy 6), 7), 8) jáne 9) tarmaqshalarmen tolyqtyrylsyn:

«6) ádilet organdarynda eseptik tirkeý kezinde kórsetilgen mekenjaı boıynsha notarıýstyń naqty úı-jaıy bolmaǵanda;

7) notarıýs osy Zańnyń 15-baby 4-tarmaǵynyń talaptaryn saqtamaǵanda;

8) osy Zańnyń 19-babynda kózdelgen shekteýler saqtalmaǵanda;

9) eger notarıýsty eseptik tirkeýge qoıǵan kúnnen bastap úsh aı ótken soń notarıýs praktıkalyq notarıattyq qyzmetine kirispegende toqtatyla turady.»;

3-tarmaq «lısenzıar» degen sózden keıin «úsh kún merzimde» degen sózdermen tolyqtyrylsyn;

mynadaı mazmundaǵy 7-tarmaqpen tolyqtyrylsyn:

«7. Aýmaqtyq ádilet organy men notarıattyq palata lısenzııasynyń qoldanylýy toqtatyla turǵan notarıýstyń is júrgizýinde jatqan qujattaryn Notarıattyq is júrgizý jónindegi qaǵıdada kózdelgen tártippen basqa notarıýsqa berý jóninde sharalar qoldanýǵa mindetti.»;

9) 11-bapta:

birinshi abzasyndaǵy «Ádilet attestattaý komıssııasynyń ne prokýratýra» degen sózder «Prokýratýra» degen sózben aýystyrylsyn;

7) tarmaqsha alyp tastalsyn;

mynadaı mazmundaǵy 8) tarmaqshamen tolyqtyrylsyn:

«8) notarıýs kásiptik qyzmetin aýmaqtyq ádilet organdarynda tıisti eseptik tirkelýsiz júzege asyrǵanda notarıýs lısenzııasy keri qaıtarylyp alynady.»;

10) 13-bap alyp tastalsyn;

11) 15-bapta:

4-tarmaqta:

 «jaramdy» degen sózden keıin «bir» degen sózben tolyqtyrylsyn;

 «azamattar» degen sóz «jeke tulǵalar» degen sózdermen aýystyrylsyn;

mynadaı mazmundaǵy ekinshi jáne úshinshi bóliktermen tolyqtyrylsyn:

«Notarıýstyń úı-jaıy onyń eseptik tirkelgen orny bolyp tabylady.

Notarıýstyń úı-jaıynyń ornalasqan jeri oǵan belgilenip berilgen aýmaq sheginde ózgergen kezde qaıtadan eseptik tirkelý talap etilmeıdi. Aýmaqtyq ádilet organy notarıýstyń úı-jaıynyń ornalasqan jerin oǵan belgilenip berilgen aýmaq sheginde ózgertý týraly onyń ótinishi kelip túsken kúnnen bastap bes jumys kúni ishinde osy úı-jaıdyń Qazaqstan Respýblıkasy zańnamasynyń talaptaryna sáıkestigine tekserý júrgizýge mindetti.»;

mynadaı mazmundaǵy 7-tarmaqpen tolyqtyrylsyn:

«7. Olar osy baptyń 4-tarmaǵynyń talaptaryn saqtaǵan jaǵdaıda bir úı-jaıda bir nemese birneshe notarıýs jumys isteı alady.»;

12) 17-baptyń 6) tarmaqshasyndaǵy «, sonyń ishinde jaldaý sharty boıynsha aınalysýǵa» degen sózder alyp tastalsyn;

13) 18-baptyń 1-tarmaǵynyń 6) tarmaqshasyndaǵy «berýge mindetti.» degen sózder «berýge;» degen sózben aýystyrylyp, mynadaı mazmundaǵy 7), 8) jáne 9) tarmaqshalarmen tolyqtyrylsyn:

«7) óz lısenzııasynyń qoldanylýy toqtatyla turǵan jaǵdaıda Nota­rıat­tyq is júrgizý jónindegi qaǵıdada kózdelgen tártippen is júrgizýindegi qujattardy basqa notarıýsqa berýge;

8) óz lısenzııasynyń qoldanylýy osy Zańnyń 12-baby 1-tarmaǵynyń 1), 2), 4), 4-1) jáne 6) tarmaqshalarynda kózdelgen negizder boıynsha toqtatylǵan jaǵdaılarda, saqtaýyndaǵy barlyq notarıattyq qujattardy jekeshe notarıattyq muraǵatqa berýge;

9) óz teginiń, atynyń, ákesiniń atynyń jáne óz úı-jaıy ornalasqan jeriniń ózgerýi jónindegi málimetterdi bir aı ishinde aýmaqtyq ádilet organyna usynýǵa mindetti.»;

14) 19-bapta:

1-tarmaqtyń 3) tarmaqshasyndaǵy «oryndaýǵa quqyǵy joq.» degen sózder «oryndaýǵa;» degen sózben aýystyrylyp, mynadaı mazmundaǵy 4), 5) jáne 6) tarmaqshalarmen tolyqtyrylsyn:

«4) jekeshe notarıýstyń azamattyq-quqyqtyq jaýapkershiligin mindetti saqtandyrý shartyn jasamaı óz mindetterin oryndaýǵa;

 5) notarıýstyń jeke mórin onyń lısenzııasynyń qoldanylýy toqtatyla turǵan kezeńge aýmaqtyq ádilet organyna tapsyrýyn qospaǵanda, faksımıleni paıdalanýǵa jáne jeke mórin basqa adamǵa berýge;

6) osy Zańda kózdelgen jaǵdaılardy qospaǵanda, eseptik tirkeý ornynan tys jerde qyzmetin júzege asyrýǵa quqyǵy joq.»;

2-tarmaqtaǵy «Jeke» degen sóz «Eger osy Zańda ózgeshe kózdelmese, jeke» degen sózdermen aýystyrylsyn;

15) 21-baptyń 2 jáne 5-tarmaqtary mynadaı redaksııada jazylsyn:

«2. Jekeshe notarıýstyń notarıattyq okrýg shegindegi qyzmet etý aýmaǵyn aýmaqtyq ádilet organy notarıattyq palatamen birlese otyryp belgileıdi.

Notarıýs úı-jaıyn ózine belgilenip berilgen aýmaqtyń sheginen tys jerde ornalastyrýǵa quqyly emes.

Notarıýstyń úı-jaıyna qoıylatyn talaptardy Qazaqstan Respýblıkasy Ádilet mınıstrligi Respýblıkalyq notarıattyq palatanyń usynysy boıynsha belgileıdi.

Aýmaqtyq ádilet organy halyqqa memlekettik jáne jekeshe notarıýs­tardyń qyzmet etý aýmaǵy týraly únemi habarlap otyrady.»;

«5. Notarıattyq is-áreketter memlekettik notarıat keńsesiniń úı-jaıynan tys jáne jekeshe notarıýstyń úı-jaıynan tys jerlerde jasalýy múmkin.

Kóshpeli notarıattyq is-áreketter múddeli adamnyń ótinishi negizinde naqty adamǵa qatysty jasalady jáne turaqty sıpatta bolmaıdy.

Eger notarıattyq is-áreket memlekettik notarıat keńsesiniń úı-jaıynan tys nemese jekeshe notarıýstyń úı-jaıynan tys jerlerde jasalsa, onda qujattyń kýálandyrý jazbasynda jáne notarıattyq is-áreketterdi tirkeý tiziliminde onyń mekenjaıy men ýaqyty kórsetilip, notarıattyq is-árekettiń jasalǵan orny jazylady.»;

16) mynadaı mazmundaǵy 21-1-bappen tolyqtyrylsyn:

«21-1-bap. Notarıattyq okrýgtegi notarıýstardyń eń az sanyn  aıqyndaý krıterııleri

 1. Notarıattyq okrýgtegi notarıýstardyń eń az sanyn Qazaqstan Respýblıkasynyń Ádilet mınıstrligi aýmaqtyq ádilet organynyń aýmaqtyq notarıattyq palatamen birlesip bergen usynymy boıynsha mynadaı krıterıılerge:

1) notarıattyq okrýgtegi halyqtyń sany men tyǵyzdyǵyna;

2) óńirdiń ekonomıkalyq damýyna, geografııalyq ornalasýyna, ınfra­qurylymy men basqa da erekshelikteriniń bolýyna súıene otyryp bekitedi.

2. Bos oryn paıda bolǵan jáne ol eki aıdyń ishinde jekeshe notarıýstarmen tolyqtyrylmaǵan kezde aýmaqtyq ádilet organy tıisti notarıattyq ok­rýg­te shtat sanynyń sheginde memlekettik notarıýs birligin engizýge quqyly.

3. Eger keıinnen kórsetilgen bos orynǵa jekeshe notarıýs ornalasqan jaǵdaıda, aýmaqtyq ádilet organy bir aı ishinde memlekettik notarıýs birligin qysqartýǵa mindetti.

Bul rette aýmaqtyq ádilet organy:

1) jasalǵan notarıattyq is-áreketterdiń zańdylyǵyn tekserý jáne memlekettik notarıýstyń anyqtalǵan buzýshylyqtardy joıýy;

2) memlekettik notarıýstyń is júrgizýinde jatqan qujattardy jekeshe notarıýsqa qabyldap alý-tapsyrý;

3) memlekettik notarıýstyń mórin alyp qoıý jáne joıý jóninde sharalar qoldanýǵa mindetti.»;

17) 22-bap mynadaı redaksııada jazylsyn:

«22-bap. Notarıýstyń jeke móri, mórtabandary men blankileri

 1. Notarıýstyń óziniń tegi, aty, ákesiniń aty, sondaı-aq memlekettik notarıat keńsesiniń ataýy (memlekettik notarıýstyń móri) ne notarıýs lısen­zııasynyń nómiri men berilgen kúni kórsetilgen (jekeshe notarıýstyń móri) jeke móri, kýálandyrý jazbalarynyń mórtabandary men jeke blanki­leri bolady.

Memlekettik notarıýstyń jeke mórinde Qazaqstan Respýblıkasy Memlekettik eltańbasynyń beınesi ornalastyrylady.

2. Notarıýstardyń jeke móriniń bederleri men qolynyń úlgileri Qazaqstan Respýblıkasynyń Ádilet mınıstrliginde, aýmaqtyq ádilet organynda, sondaı-aq notarıattyq palatada saqtalady.

3. Notarıattyq is-áreketter jasaý úshin jeke mórge tapsyrysty jáne ony notarıýstarǵa berýdi júzege asyrýdy aýmaqtyq ádilet organy júrgizedi.

Jekeshe notarıýstyń jeke mórin daıyndaý – onyń óz qarajaty ese­binen, al memlekettik notarıýsterge bıýdjet qarajaty esebinen júrgiziledi.»;

18) 26-bapta:

4-tarmaq mynadaı redaksııada jazylsyn:

«4. Respýblıkalyq notarıattyq palata aýmaqtyq notarıattyq palatalardy biriktiretin, kommersııalyq emes kásiptik ózin-ózi qarjylandyratyn uıym bolyp tabylady.»;

mynadaı mazmundaǵy 5-tarmaqpen tolyqtyrylsyn:

 «5. Osy Zańnyń 6-babynyń talaptaryna adamnyń sáıkes kelmegen jaǵdaılarynan basqa, notarıattyq qyzmetpen aınalysý quqyǵyna lısen­zııa­sy bar adamdy notarıattyq palataǵa múshe etýden bas tartýǵa bolmaıdy.

Notarıattyq palatalardyń kirý jarnasyn alýyna jol berilmeıdi.»;

19) mynadaı mazmundaǵy 26-1 jáne 26-2-baptarmen tolyqtyrylsyn:

«26-1-bap. Notarıattyq palatanyń basqarý organdary

1. Notarıattyq palata músheleriniń jalpy jınalysy notarıattyq palatanyń joǵary basqarý organy bolyp tabylady.

Jalpy jınalystyń aıryqsha quzyretine:

1) notarıattyq palatanyń jarǵysyn qabyldaý, oǵan ózgerister men tolyqtyrýlar engizý;

2) notarıattyq palata tóraǵasyn, basqarmanyń jáne tekserý komıssııasynyń múshelerin saılaý;

3) notarıattyq palata qyzmetiniń negizgi baǵyttaryn aıqyndaý;

4) notarıattyq palatanyń bıýdjetin bekitý jatady.

Notarıattyq palatanyń jarǵysynda sheshimder qabyldaý boıynsha jalpy jınalystyń aıryqsha quzyretine jatqyzylǵan ózge de máseleler kózdelýi múmkin.

2. Notarıattyq palataǵa basshylyqty notarıattyq palata músheleriniń jalpy jınalysynda saılanǵan notarıattyq palatanyń basqarmasy men tóraǵasy júzege asyrady. Notarıattyq palata músheleri jalpy jınaly­synyń, notarıattyq palata basqarmasynyń jáne notarıattyq palata tór­aǵa­synyń quzyreti notarıattyq palatanyń jarǵysymen reglamentteledi.

3. Basqarma músheleri tórt jyl merzimge jasyryn daýys berý arqyly saılanady.

4. Quramyna keminde bes adam kiretin basqarma notarıattyq palatanyń basqarý organy bolyp tabylady.

5. Notarıattyq palata músheleriniń jınalysyn shaqyrý tártibi men merzimi, sondaı-aq notarıattyq palatanyń tóraǵasy men basqarý organda­rynyń ókilettikteri notarıattyq palatanyń jarǵysynda aıqyndalady.

26-2-bap. Notarıattyq palatanyń tóraǵasy

1. Notarıattyq palatanyń tóraǵasy bolyp ony saılaǵan kúnge deıin tikeleı keminde bes jyl notarıattyq palatanyń múshesi bolǵan notarıýs saılanady.

Notarıattyq palatanyń tóraǵasy jasyryn daýys berý arqyly tórt jyl merzimge saılanady.

2. Notarıattyq palatanyń tóraǵasy:

1) notarıattyq palatanyń jumysyn uıymdastyrady, notarıattyq palataǵa júktelgen mindetterdiń oryndalýyn baqylaýdy júzege asyrady;

2) notarıattyq palatanyń jumysyna basshylyq jasaıdy, notarıattyq palatanyń qyzmetkerlerin jumysqa qabyldaýdy jáne jumystan bosatýdy júzege asyrady;

3) memlekettik organdarda, qoǵamdyq birlestikterde, basqa da uıymdarda notarıattyq palatanyń múddesin bildiredi;

4) notarıattyq palata jarǵysynda kózdelgen, Qazaqstan Respýblı­kasy­nyń zańnamasyna qaıshy kelmeıtin ózge de ókilettikterdi júzege asyrady.»;

20) 27-baptyń 1-tarmaǵynyń 6) tarmaqshasy mynadaı redaksııada jazylsyn:

«6) notarıattyq qyzmetpen aınalysý quqyǵyna úmitker adamdardyń ta­ǵy­lymdamadan ótýin jáne jekeshe notarıýstardy oqytýdy uıymdas-tyrady;»;

21) 29-bap mynadaı mazmundaǵy 4-tarmaqpen tolyqtyrylsyn:

«4. Respýblıkalyq notarıattyq palatanyń tóraǵasy bolyp ony saılaǵan kúnge deıin tikeleı keminde bes jyl notarıattyq palatanyń múshesi bolǵan notarıýs saılanady.

Respýblıkalyq notarıattyq palatanyń tóraǵasy jasyryn daýys berý arqyly tórt jyl merzimge saılanady.

Respýblıkalyq notarıattyq palatanyń tóraǵasyn saılaý tártibi jáne onyń ókilettikteri osy Zańda jáne Respýblıkalyq notarıattyq palatanyń jarǵysynda aıqyndalady.»;

22) mynadaı mazmundaǵy 30-1-bappen tolyqtyrylsyn:

«30-1-bap. Jekeshe notarıýs notarıattyq is-áreketter jasaǵan  kezde quqyqtyq jáne tehnıkalyq sıpattaǵy qyzmetter kórsetýge aqy tóleý

1. Jekeshe notarıýs notarıattyq is-áreketter jasaǵan kezde tehnıkalyq jáne quqyqtyq sıpattaǵy qosymsha qyzmetter kórsetkeni úshin osy bapta kózdelgen mólsherde mynadaı tólemaqy alady:

1) qalalyq jerlerdegi jyljymaıtyn múlikti (jer ýchaskelerin, turǵyn úılerdi, páterlerdi, saıajaılardy, garajdardy, qurylystar men ózge de jyl­jymaıtyn múlikti) ıelikten shyǵarý týraly sharttardy kýálandyrǵan kezde:

eger taraptardyń biri zańdy tulǵa bolyp tabylsa – 7 aılyq eseptik kórsetkish;

balalaryna, jubaıyna, ata-analaryna, týǵan aǵa-inileri men apa-qaryndastaryna, sińlilerine, nemerelerine – 2 aılyq eseptik kórsetkish;

basqa adamdarǵa – 5 aılyq eseptik kórsetkish;

eger mámile jyljymaıtyn múlikti ıpotekalyq turǵyn úı zaemy boıynsha alynǵan qarajat esebinen satyp alý maqsatynda jasalatyn bolsa – 2 aılyq eseptik kórsetkish;

2) aýyldyq jerlerdegi jyljymaıtyn múlikti (jer ýchaskelerin, turǵyn úılerdi, páterlerdi, saıajaılardy, garajdardy, qurylystar men ózge de jyljymaıtyn múlikti) ıelikten shyǵarý týraly sharttardy kýálandyrǵan kezde:

eger taraptardyń biri zańdy tulǵa bolyp tabylsa – 2 aılyq eseptik kórsetkish;

balalaryna, jubaıyna, ata-analaryna, týǵan aǵa-inileri men apa-qaryndastaryna, sińlilerine, nemerelerine – 1 aılyq eseptik kórsetkish;

basqa adamdarǵa – 2 aılyq eseptik kórsetkish;

3) avtomotokólik quraldaryn ıelikten shyǵarý týraly sharttardy kýálandyrǵan kezde:

eger taraptardyń biri zańdy tulǵa bolyp tabylsa – 5 aılyq eseptik kórsetkish;

balalaryna, jubaıyna, ata-analaryna, týǵan aǵa-inileri men apa-qaryndastaryna, sińlilerine, nemerelerine – 2 aılyq eseptik kórsetkish;

basqa adamdarǵa – 5 aılyq eseptik kórsetkish;

4) jalǵa berý, zaem (ıpotekalyq turǵyn úı zaemy shartyn qospaǵanda), kepilaqy, lızıng, merdigerlik sharttaryn, neke kelisimsharttaryn, ortaq menshiktegi múlikti bólý, muragerlik múlikti bólý sharttaryn, alımentterdi tóleý jónindegi kelisimderdi, quryltaı sharttaryn kýálandyrǵan kezde – 5 aılyq eseptik kórsetkish;

5) ıpotekalyq turǵyn úı zaemy sharttaryn kýálandyrǵan kezde – 2 aılyq eseptik kórsetkish;

 6) ósıetterdi kýálandyrǵan kezde – 2 aılyq eseptik kórsetkish;

7) muragerlikke quqyq týraly kýálikti bergeni úshin – berilgen árbir kýálik úshin 3 aılyq eseptik kórsetkish;

8) erli-zaıyptylardyń ortaq múlkindegi úleske jáne birlesken ortaq menshik quqyǵynda múlki bar ózge de adamdardyń menshik quqyǵy týraly kýálikti bergen kezde – 4 aılyq eseptik kórsetkish;

9) múlikti paıdalaný jáne ıelik etý quqyǵyna senimhattardy kýálandyrǵan kezde – 2 aılyq eseptik kórsetkish;

10) satý quqyǵynsyz avtokólik quraldaryn paıdalaný jáne basqarý quqyǵyna senimhattardy kýálandyrǵan kezde – 1 aılyq eseptik kórsetkish;

11) avtokólik quraldaryn satýǵa, syıǵa tartýǵa, aıyrbastaýǵa senimhattardy kýálandyrǵan kezde – 2 aılyq eseptik kórsetkish;

12) basqa senimhattardy kýálandyrǵan kezde:

jeke tulǵalar úshin – 1 aılyq eseptik kórsetkish;

zańdy tulǵalar úshin – 2 aılyq eseptik kórsetkish;

13) teńizdik narazylyq jasaǵan kezde – 5 aılyq eseptik kórsetkish;

14) qujattardyń kóshirmeleri men qujattardyń úzindi kóshirmelerin kýálandyrǵan kezde (ár beti úshin):

jeke tulǵalar úshin – 0,05 aılyq eseptik kórsetkish;

zańdy tulǵalar úshin – 0,07 aılyq eseptik kórsetkish;

15) qujattardaǵy qoıylǵan qoldyń, sondaı-aq qujattardyń bir tilden basqa tilge aýdarmasynyń durystyǵyn kýálandyrǵan kezde (árbir qujat úshin):

jeke tulǵalar úshin – 0,5 aılyq eseptik kórsetkish;

zańdy tulǵalar úshin – 1 aılyq eseptik kórsetkish;

16) jeke jáne zańdy tulǵalardyń ótinishterin basqa jeke jáne zańdy tulǵalarǵa bergen kezde – 0,5 aılyq eseptik kórsetkish;

17) qujattardyń notarıat kýálandyrǵan kóshirmelerin bergen kezde – 0,5 aılyq eseptik kórsetkish;

18) telnusqany bergen kezde – 2 aılyq eseptik kórsetkish;

19) bankterde shot ashqan kezde qoıylǵan qoldardyń rastyǵyn kýálandyrǵan kezde (árbir qujat úshin):

jeke tulǵalar úshin – 0,3 aılyq eseptik kórsetkish;

zańdy tulǵalar úshin – 0,5 aılyq eseptik kórsetkish;

20) jyljymaıtyn múliktiń kepilzat sharttaryn, ıpotekalyq turǵyn úı zaemdary boıynsha talap etý quqyqtary men ıpotekalyq kýálikterdi kýálandyrǵan kezde – 2 aılyq eseptik kórsetkish;

ózge de kepilzat sharttaryn kýálandyrǵan kezde – 3 aılyq eseptik kórsetkish;

21) veksel narazylyǵyn jasaǵan kezde jáne chektiń tólenbegenin kýálandyrǵan kezde – 1 aılyq eseptik kórsetkish;

22) qujattardy jáne baǵaly qaǵazdardy saqtaǵan kezde – ár aıǵa 0,5 aılyq eseptik kórsetkish;

23) kepilgerlik pen kepildik sharttaryn kýálandyrǵan kezde – 1 aılyq eseptik kórsetkish;

24) osy Zańda jáne Qazaqstan Respýblıkasynyń ózge de zańnamalyq aktilerinde kózdelgen basqa da notarıattyq is-áreketterdi jasaǵan kezde – 7 aılyq eseptik kórsetkish.

2. Jekeshe notarıýstyń notarıattyq is-áreketter jasaǵan kezde quqyqtyq jáne tehnıkalyq sıpattaǵy qyzmetter kórsetkenine aqy tóleýden mynalar:

1) notarıattyq kýálandyrýǵa jatatyn qujattyń jobasyn ózderi daıyndaǵan jeke jáne zańdy tulǵalar;

2) Qazaqstan Respýblıkasy Salyq kodeksiniń 542-babynyń 4), 8) jáne 9) tarmaqshalarynda kórsetilgen adamdar;

3) qarttar men múgedekterge arnalǵan jalpy úlgidegi medısınalyq-áleýmettik mekemelerde turatyn qarttar men múgedekter;

4) ata-anasynyń qamqorlyǵynsyz qalǵan balalar men jetim balalar;

5) 1 jáne 2-toptaǵy múgedekter;

6) jasyna baılanysty zeınetkerler bosatylady.»;

23) 31-bapta:

2-tarmaqtyń ekinshi bóligi alyp tastalsyn;

5-tarmaq mynadaı redaksııada jazylsyn:

«5. Notarıýs qyzmetin baqylaý «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń Zańynda belgilengen tártippen júzege asyrylady».»;

24) mynadaı mazmundaǵy 31-1-bappen tolyqtyrylsyn:

«31-1-bap. Aýmaqtyq notarıattyq palatalardyń  qyzmetin baqylaý

1. Aýmaqtyq notarıattyq palatalardyń qyzmetin baqylaýdy «Qazaq­stan Respýblıkasyndaǵy memlekettik baqylaý jáne qadaǵalaý týraly» Qa­zaq­stan Respýblıkasynyń Zańynda belgilengen tártippen aýmaqtyq ádilet organdary júzege asyrady.

 2. Aýmaqtyq notarıattyq palatalardyń:

 1) jekeshe notarıattyq muraǵattardy qurý, olardyń notarıattyq qujattardy jınaqtaý, saqtaý jáne paıdalaný jónindegi fýnksııalaryn uıymdastyrý jónindegi;

 2) jekeshe notarıýstardyń azamattyq-quqyqtyq jaýapkershilikti saqtandyrýdy uıymdastyrýy jónindegi;

 3) notarıattyq qyzmetpen aınalysý quqyǵyna úmitker adamdardyń taǵylymdamadan ótýin jáne jekeshe notarıýstardy oqytýdy uıymdastyrý jónindegi qyzmetiniń Qazaqstan Respýblıkasy zańnamasynyń talaptaryna sáıkestigine baqylaýdy júzege asyrady.

 3. Qazaqstan Respýblıkasynyń zańnamasyn buzýshylyqtar anyqtalǵan jaǵdaıda aýmaqtyq ádilet organy aýmaqtyq notarıattyq palataǵa buzýshylyqtardy joıý týraly usynys jiberedi. Buzýshylyqtar belgilengen merzimde joıylmaǵan jaǵdaıda, aýmaqtyq ádilet organy anyqtalǵan Qazaqstan Respýblıkasynyń zańnamasyn buzýshylyqtardy joıýǵa májbúr etý týraly sotqa talap-aryzben júginýge quqyly.»;

25) 32-bapta:

2) tarmaqsha mynadaı redaksııada jazylsyn:

«2) Notarıýstardyń notarıattyq is-áreketterdi jasaý qaǵıdasyn bekitedi;»;

3) tarmaqshada:

«kelisý arqyly» degen sózderden keıin «Respýblıkalyq notarıattyq palatanyń qatysýymen» degen sózdermen tolyqtyrylsyn;

«nusqaýlyq ázirleıdi jáne bekitedi» degen sózder «qaǵıdany bekitedi» degen sózdermen aýystyrylsyn;

4) tarmaqshadaǵy «ereje ázirleıdi jáne» degen sózder «erejeni» degen sózben aýystyrylsyn;

5) tarmaqsha alyp tastalsyn;

mynadaı mazmundaǵy 5-1) tarmaqshamen tolyqtyrylsyn:

«5-1) Respýblıkalyq notarıattyq palatanyń kelisimi boıynsha taǵy­lym­damadan ótýshilerdiń kásiptik daıarlyǵynyń biryńǵaı baǵdarlamasyn bekitedi;»;

6) tarmaqshadaǵy «ázirlep,» degen sóz alyp tastalsyn;

7) tarmaqsha mynadaı redaksııada jazylsyn:

«7) Jekeshe notarıýstardyń eseptik tirkeýden ótý qaǵıdasyn bekitedi;»;

7-1) tarmaqsha «notarıýstardyń» degen sózden keıin «eń az» degen sózdermen tolyqtyrylsyn;

 mynadaı mazmundaǵy 14-1) tarmaqshamen tolyqtyrylsyn:

«14-1) táýekelder dárejesin baǵalaý krıterıılerin bekitedi;»;

13), 14) jáne 15) tarmaqshalar alyp tastalsyn;

26) 33-bapta:

1-tarmaqta:

2) tarmaqshadaǵy «memlekettik» jáne «qyzmettik» degen sózder alyp tastalsyn;

«4) tarmaqshadaǵy «memlekettik» degen sóz alyp tastalsyn;

7) tarmaqsha mynadaı redaksııada jazylsyn:

«7) notarıýstyń tańdaǵan úı-jaıynyń bolýyn jáne onyń zańnama talaptaryna sáıkestigin tekseredi jáne osydan keıin jekeshe notarıýstyń esepke turýyn tirkeýdi júzege asyrady. Tirkeý notarıýstyń úı-jaıy ornalasqan jer boıynsha júzege asyrylady;»;

11) tarmaqsha alyp tastalsyn;

2-tarmaqta:

1) tarmaqsha alyp tastalsyn;

2) tarmaqsha «notarıýstardyń» degen sózden keıin «eń az» degen sózdermen tolyqtyrylsyn;

3), 7), 8) jáne 9) tarmaqshalar alyp tastalsyn;

27) 39-baptaǵy «tártibi týraly nusqaýlyqpen» degen sózder «qaǵıdalarymen» degen sózben aýystyrylsyn;

28) 54-bap mynadaı mazmundaǵy 3-tarmaqpen tolyqtyrylsyn:

«3. Jyljymaıtyn múlikti ıelikten shyǵarý sharttaryn kýálandyrý kezinde notarıýs ıelikten shyǵarylǵan jyljymaıtyn obektiler ornalas­qan jer ýchaskesiniń quqyqtyq rejımin belgileýge tıis.

 Jyljymaıtyn múlikti ıelikten shyǵarý sharttaryn kýálandyrý kezinde notarıýs jer ýchaskesine quqyqty belgileıtin qujattardy talap etedi jáne jer ýchaskesi menshik ıesiniń (jer paıdalanýshynyń) ózine tıesili quqyqtaryn ıelikten shyǵarý jónindegi ókilettikterin aıqyndaıdy.

 Jer ýchaskesine quqyqty belgileıtin qujattar kondomınıým quramyn­daǵy turǵyn jáne turǵyn emes úı-jaılardy ıelikten shyǵarǵan kezde talap etilmeıdi.»;

29) 57-baptaǵy «habarlama», «habarlamany» degen sózder tıisinshe «ótinish», «ótinishti» degen sózdermen aýystyrylsyn;

30) 105-baptyń 4-tarmaǵy alyp tastalsyn.

2-bap. Osy Zań alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

 Qazaqstan Respýblıkasynyń Prezıdenti N.NAZARBAEV.

Astana, Aqorda, 2011 jylǵy  jeltoqsannyń 26-sy №516-IV QRZ