Sońǵy tórt kún ishinde, ıaǵnı 18 men 21 qańtar aralyǵynda aýa raıynyń kúrt buzylýy jaǵdaıynda shyǵys óńiriniń barlyq stansalarynda arnaıy tehnıkalardy paıdalana otyryp, túsken qalyn qardan joldardy tazartý jumystary táýlik boıy júrgizildi. Bul týraly «Qazaqstan temir joly» UK» AQ baspasóz qyzmeti habarlady.
Jumysqa shamamen 300 temirjolshy tartyldy. Stansalarda jol sharýashylyǵy qyzmetkerleri, qar burqasyny kezinde baǵyttamaly burmalardyń jaǵdaıyna jaýaptylar táýlik boıy kezekshilik etti.
Qar tazartý jumystaryna 44 dana qar tazalaý jáne qar arshý tehnıkalary jumyldyrylsa, bul rette 2,5 myń shaqyrym jol qardan arshylyp, 10 000 tekshe metr qar shyǵaryldy.
Jol dıstansııasy qyzmetkerleriniń kúsh-jigeri arqasynda poıyzdar qozǵalysynyń kestesi buzylǵan joq. Aýa raıynyń kúrdeli jaǵdaıy men qardyń uıytqýy múmkindigi eskerilip, poıyzdardy qaýipsiz jáne úzdiksiz ótkizýdi qamtamasyz etý úshin kún saıyn naqty sharalar qabyldanýda.