Bıatlonnan Anthols-Anterselva qalasynda ótip jatqan álem kýboginiń altynshy kezeńi aıasynda sprıntten áıelder arasyndaǵy báseke aıaqtaldy. Atalǵan synǵa Qazaqstan atynan Anastasııa Kondrateva, Elızaveta Belchenko jáne Lıýdmıla Ahatova qatysqan bolatyn. Bul týraly Ulttyq olımpıada komıtetiniń baspasóz qyzmeti habarlady.
Iz kesý jarysynyń qorytyndysy boıynsha, Elızaveta Belchenko 44-shi orynnan kórindi.
Anthols-Anterselva bıatlonnyń otany sanalady. Joǵary deńgeıli týrnırdi tamashalaý úshin álemniń ár túkpirinen 10 myńnan asa jankúıer jınalǵan. Antholstegi jarys joly óte qıyn trassalardyń biri sanalady. Sol sebepti, qatysýshylardyń barlyǵy derlik márege jete almaı, 93 bıatlonshy ǵana sońyna deıin shydap baqty.
Qazaqstan sapyndaǵy eń úzdik nátıjeni kórsetken – Elızaveta Belchenko. Ol bıylǵy maýsymdaǵy óziniń jáne áıelder ulttyq quramasynyń joǵarǵy kórsetkishin tirkep otyr.