Qazaqstanda elektr energııasyna degen suranysty óteý jáne energetıkalyq júıeniń turaqtylyǵyn kúsheıtý maqsatynda kómir generasııasyn damytýǵa baǵyttalǵan aýqymdy joba júzege asyrylady. Jańa bastama aıasynda 2030 jylǵa deıin 8 elektr stansııasy salynyp, qoldanystaǵy 11 nysan jańǵyrtylady, bul eldiń energetıkalyq qaýipsizdigin nyǵaıtýǵa jol ashady, dep jazady Egemen.kz.
Energetıka mınıstrliginiń málimetinshe, 2026-2030 jyldarǵa arnalǵan kómir generasııasyn damytý jónindegi Ulttyq joba eldiń energetıkalyq ınfraqurylymyn jańǵyrtyp, Birtutas elektr energetıkalyq júıeniń turaqtylyǵyn qamtamasyz etýge baǵyttalǵan. Joba elektr energııasyna ósip kele jatqan suranysty strategııalyq turǵydan óteýdi kózdeıdi.
Negizgi basymdyq bazalyq energııa kózderin damytýǵa berilip otyr. Josparǵa sáıkes, 2030 jylǵa deıin jalpy qýaty 7,8 GVt jańa jáne jańartylǵan generasııa kózderi iske qosylady. Onyń ishinde 8 jańa elektr stansııasynyń qurylysy jáne jumys istep turǵan 11 stansııany jańartý qarastyrylǵan.
О́ńirde energııa tapshylyǵy bolmaıdy
Jańa nysandardyń ishinde elimizdiń birneshe óńirin qamtıtyn mańyzdy jobalar bar. Atap aıtqanda, Kýrchatov qalasynda qýaty 700 MVt kondensasııalyq elektr stansııasy, Ekibastuzda qýaty 2 640 MVt GRES-3, Qaraǵandy men Ekibastuzda tıisinshe 350 MVt jáne 180 MVt jylý elektr stansııalary salynady. Sonymen qatar Jezqazǵan (500 MVt), Kókshetaý (240 MVt), Semeı (360 MVt) jáne О́skemen (360 MVt) qalalarynda jańa jylý elektr ortalyqtary boı kóteredi.
Oljas Bektenov Túrkistanda salynyp jatqan elektr stansasynyń qurylysyn tekserdi
Joba aıasynda tek jańa qýat kózderin iske qosý ǵana emes, qoldanystaǵy stansııalardyń tıimdiligin arttyrý da kózdelgen. Jańǵyrtý jumystarynyń nátıjesinde jabdyqtardyń tozý deńgeıin 13% tómendetý josparlanyp otyr.
Bul bastama eldiń ekonomıkalyq damýyna da tikeleı áser etedi. Jańa energetıkalyq qýattar ónerkásiptiń ósýine, sıfrlyq ekonomıkanyń damýyna jáne jasandy ıntellekt tehnologııalaryn engizýge berik negiz qalyptastyrady.
JI-di damytý úshin elektr energııasynyń mol qory kerek: Sarapshy túsindirdi
Sonymen birge kómir generasııasy tehnologııalyq jańǵyrtý men ekologııalyq talaptardy saqtaý jaǵdaıynda energetıkalyq qaýipsizdikti qamtamasyz etýde mańyzdy rólin saqtap qalady. Bul Qazaqstannyń uzaq merzimdi energetıkalyq turaqtylyǵyn nyǵaıtatyn strategııalyq qadamdardyń biri bolmaq.