Otandyq qysqy sport tarıhynda óshpes iz qaldyrǵan Iýlııa Galysheva halyqaralyq deńgeıdegi sporttyq mansabyn resmı túrde aıaqtaǵanyn málimdedi. Bul týraly Shyǵys Qazaqstan oblystyq dene shynyqtyrý jáne sport basqarmasynda ótken baspasóz máslıhatynda belgili boldy, dep jazady Egemen.kz.
Jıynǵa basqarma basshysy Asqar Mojanov pen frıstaıl-mogýldan Qazaqstannyń eńbek sińirgen jattyqtyrýshysy Elena Krýglyhına qatysty.
Iýlııa Galysheva – Qazaqstan frıstaıly tarıhyndaǵy eń kóp marapatqa ıe bolǵan sportshy. Ol ulttyq qurama sapynda 20 jyldan astam ýaqyt óner kórsetip, eldegi qysqy sporttyń damýyna zor úles qosty. Onyń sporttyq joly Qazaqstandaǵy qysqy sport túrleriniń altyn dáýirine aınaldy.
Sportshy – Qazaqstan tarıhynda mogýldan Olımpıada júldesin jeńip alǵan jalǵyz atlet. Ol 2018 jylǵy Phıonchhan qysqy Olımpıadasy oıyndarynda qola medal ıelendi. Sonymen qatar 2019 jyly álem chempıonatynda top jaryp, osy dıssıplınada álem chempıony atanǵan tuńǵysh otandyq sportshy boldy.
Iýlııa Galysheva sporttyq mansabynda 5 birdeı Olımpıadaǵa qatysqan biregeı sportshy – 2010 jylǵy Vankýver Olımpıadasy, 2014 jylǵy Sochı Olımpıadasy, 2018 jylǵy Phıonchhan Olımpıadasy, 2022 jylǵy Beıjiń Olımpıadasy jáne 2026 jylǵy Mılan-Kortına Olımpıadasy.
Qysqy Olımpıada: Úsh mogýlshymyz fınalǵa shyqty
Onyń qorjynynda álem chempıonattarynyń tolyq júlde jıyntyǵy, Álem kýbogi kezeńderindegi kóptegen jeńister, sondaı-aq qysqy Azııa oıyndary men Ýnıversıada altyndary bar.
Chempıon óz sózinde jattyqtyrýshylar quramyna, komandasyna jáne jankúıerlerge kóp jylǵy senimi men qoldaýy úshin alǵys aıtty.
Qysqy Olımpıada: Frıstaıl-mogýldan Pavel Kolmakov fınalǵa shyqty