2019 jyldyń 1-qańtarynan bastap satyp alý normalary boıynsha elıtalyq tuqymdar men birinshi reprodýksııaly tuqymdardy sýbsıdııalaýdy kózdeıtin tuqym sharýashylyǵyn sýbsıdııalaýdyń jańa tizimi engizildi. Bul rette elıtalyq tuqym óndirýshileri, tuqym sharýashylyqtary nemese ótkizýshilermen aýyl sharýashylyǵy taýaryn óndirýshige kúzge deıin tólemdi keıinge qaldyra otyryp bastapqy jarnasyz beredi, al olardyń shyǵyndaryn 100% oblys ákimdigi óteıdi. Bul týraly Aýyl sharýashylyǵy mınıstrliginiń resmı saıty habarlady.
Kúzgi egindi jıǵannan keıin elıtalyq tuqymdar nemese birinshi reprodýksııaly tuqymdar qunynyń 30%-yn óndirýshi mamandandyrylǵan uıymǵa norma boıynsha qaıtarady. Birinshi urpaq býdandary (júgeri, qant qyzylshasy, raps, kúnbaǵys, maqta) jáne jemis-jıdek daqyldary men júzimniń elıtalyq kóshetteri naqty satyp alynǵan tuqymdar (kóshetter) úshin aýyl sharýashylyǵy taýaryn óndirýshilerdiń shyǵyndaryn ishinara (50%) óteý jolymen sýbsıdııalanatyn bolady. Tuqymǵa sýbsıdııa berý prosesi tolyǵymen avtomattandyrylǵan. Kóktemgi egis jumystaryn júrgizý úshin aǵymdaǵy jylǵa qajetti 394 myń tonnadızel otyny fermerler arasynda https://qoldau.kz/ saıtynda anyqtalady. Kóktemgi egis jumystaryn júrgizý úshin bul kólem ákimdikterdiń pikirinshe jetkilikti bolady.
AО́K sýbektilerine nesıe berý bastaldy. Sońǵy qaryz alýshylar úshin syıaqy jyldyq 7%-ǵa deıingi mólsherlemesimen memleket 60 mlrd. teńge bóldi. Agrarlyq nesıe korporasııasy ótinishterdi https://qoldau.kz/ portaly arqyly qabyldaıtyn bolady. Aýyl sharýashylyǵy ónimderin óndirýshilerge nesıe berý nesıelik seriktestikter arqyly júzege asyrylady - 13,0 mlrd.teńge; ekinshi deńgeıdegi bankter, mıkroqarjy uıymdary, óńirlik ınvestısııalyq ortalyqtar – 33,0 mlrd. teńge; "Agrarlyq kredıttik korporasııa" AQ fılıaldary arqyly tikeleı kredıt berý – 14,0 mlrd. teńge.
Tehnıka qunynyń 25% kóleminde tehnıkany satyp alýdy ınvestısııalyq sýbsıdııalaý bastaldy. Osy maqsatta mashına-traktor parkin jedel jańartý men fermerlerdiń satyp alý qabiletin yntalandyrý kózdeledi.
Anyqtama: oblys ákimdikteriniń aýyl sharýashylyǵy basqarmalarynyń aldyn ala málimetteri boıynsha 2019 jyly aýyl sharýashylyǵy daqyldaryn 22,3 mln.ga jerge ornalastyrý josparlanýda, bul 2018 jylǵa qaraǵanda 291 myń ga artyq. Arpa jáne júgeri alqaptaryn 57 myń gektarǵa; qant qyzylshasyn 2,6 myń gektarǵa; jemdik daqyldardy 654 myń gektarǵa ulǵaıtý josparlanýda.
Agrarlyq nesıe korporasııasy 2018 jyly "Keń dala" baǵdarlamasy aıasynda bólingen bıýdjet qarajaty esebinen 3 224,7 myń ga ósirýge 1 985 AShTО́ nesıelendirdi.
Aǵymdaǵy jyldyń kókteminde egis alqabyna 147 myń traktor, 3,8 myń joǵary ónimdi egis keshenderi, 83,6 myń tuqym sepkish, 297 myń topyraq óńdeý quraldary shyǵýdy josparlap otyr.