Parlament Májilisiniń depýtaty Serik Sápıevtiń ókilettiligin merziminen buryn toqtatý týraly sheshim qabyldady. Bul týraly QazAqparat habarlady.
QR Ortalyq saılaý komıssııasynyń xatshysy Baqyt Meldeshevtiń aıtýynsha, S.Sápıev depýtattyqtan ketý týraly ótinishti ózi berdi. Sonyń negizinde onyń ókilettiligin merziminen buryn toqtatý týraly usynym ázirlendi. Májilis depýtattary qarsylyq bildirgen joq. Bári birdeı arnaıy qaýly úshin daýys berip, atalǵan qujatty biraýyzdan qabyldady.
Al spıker Nurlan Nyǵmatýlın palata depýtattarynyń atynan Serik Sápıevke rızashylyq bildirip, Alǵys hat tabys etti. О́z kezeginde, Olımpıada chempıony da rızashylyǵyn jetkizdi.
«Berilgen múmkindikti paıdalana otyryp, Memleket basshysy, «Nur Otan» partııasynyń Tóraǵasy Nursultan Ábishulyna maǵan artqan senimi úshin sheksiz alǵysymdy bildirgim keledi. Sport alańynda da, qazir de Elbasynyń qoldaýyn árdaıym sezinip júremiz. Sondaı-aq, qurmetti áriptester, árbireýińizge aqyl-keńesterińiz ben qoldaýlaryńyz úshin raqmet aıtamyn. Bul jerde men biraz tájirıbe jınadym. Elimizdiń órkendeýi jolynda sizdermen tyǵyz jumys jasaýdy jalǵastyra beremiz dep senemin» dedi S.Sápıev.
Aıta keteıik, London Olımpıadasynyń jeńimpazy Serik Sápıev 2017 jyldyń aqpan aıynda Parlament Májilisiniń depýtaty qyzmetine taǵaıyndalǵan bolatyn.