Joǵarǵy Sot Tóraǵasy Jaqyp Asanovtyń bastamasymen «Sot tóreliginiń 7 túıini» baǵdarlamasy aıasynda qolǵa alynǵan «Túngi sot» pılottyq jobasy Shymkentte júıeli túrde iske asyrylýda. Osyǵan oraı Shymkent qalasynyń mamandandyrylǵan ákimshilik sotynda ótken jylǵy atqarylǵan jumystar boıynsha esep berilip, arnaıy beınerolık kórsetildi.
Shymkent ákimshilik sotynda 2018 jyldyń maýsym aıynan beri atalǵan joba boıynsha jol-kólik oqıǵalaryna qatysty 1211 ákimshilik is qaralaǵan. Negizinen osy joba boıynsha QR-nyń Ákimshilik quqyq buzýshylyq týraly kodeksiniń 610-babynyń 1-bóligimen quqyq buzýshy moıyndaǵan jáne eki tarap ózara kelisken ákimshilik ister qaralady.
Sondaı-aq, byltyr bul joba boıynsha sot tarapynan quqyq buzýshylarǵa salynǵan aıyppuldy memlekettiń paıdasyna óz erkimen tóleý kórsetkishi 90 paıyzdy quraǵan. Osylaısha, qazirgi kezde Shymkent qalasynyń ákimshilik sotynda «Túngi sot» pılottyq jobasy júrgizýshilerge úshin qolaıly qyzmet túrine aınalyp otyr.
Atalǵan joba birinshi kezekte taraptardyń jaýapkershiligin anyqtap, keltirilgen zııannyń ornyn toltyrý máselelerin jyldam sheshýmen erekshelenedi. Sonymen qatar, ákimshilik sotta isti qysqa merzimde qaraýǵa múmkindik týǵyzyp, jábirlenýshige de saqtandyrý kompanııasynan beriletin tıisti tólemaqyny der kezinde alýyna kómektesedi.
Nurshat TО́KEN,
«Egemen Qazaqstan»
Shymkent