2020 jyly fýtzaldan Lıtvada ótetin álem chempıonatynyń irikteý týrnırinde Qazaqstan quramasy kimdermen kúsh synasatyny tolyqtaı anyqtaldy.
Osyǵan deıin jerlesterimizdiń Rýmynııamen bir topqa túskeni belgili bolǵan edi. Búgin qatarymyz Gollandııa jáne Albanııa quramalarymen tolyǵyp otyr. Bul toptaǵy básekeler ústimizdegi jyldyń 22-27 qazan aralyǵynda Rýmynııada ótedi.
Irikteý týrnırindegi qarsylastarymyz jaıynda aıtar bolsaq, Gollandııa fýtzalshylary 1989 jyly ótken álem chempıonatynda kúmis medaldi ıelengen bolatyn. 1999 jyly olar Eýropa birinshiliginde tórtinshi orynǵa taban tiredi.
Rýmynııa quramasy álem chempıonatyna birde-bir ret qatyspaǵan. Esesine 2012 jáne 2014 jyldardaǵy Eýropa birinshiliginde shırek fınalǵa deıin jetti.
Albanııa eli ókilderiniń kórsetkishteri odan da tómen. Sol sebepti de olardan qaýip keledi dep oılamaımyz.
Al Qazaqstan quramasy álem chempıonatyna eki márte qatysty. 2000 jyly toptyq týrnırde súrinse, 2016 jyly 1/8 fınalda oınady. 1999 jyly Azııa birinshiliginde qola alsa, 2000 jyly kúmispen kúpteldi. 2016 jyly Eýropa chempıonatynda qola medaldi moınyna ilse, 2018 jyly tórtinshi orynǵa turaqtady.
Ǵalym SÚLEIMEN,
«Egemen Qazaqstan»