Qazaqstandyq boksshy Danııar Eleýsinov (5-0, 3 KO) 15 naýryzda Fıladelfııanyń (AQSh, Pensılvanııa shtaty) Liacouras Center arenasynda kásibı rıngtegi altynshy aıqasyn ótkizedi. Bul týraly sports.kz habarlady.
Qazirgi ýaqytta osy boks keshinde IBF tujyrymy boıynsha ekinshi jartylaı salmaqtaǵy álem chempıony Tevın Farmer (28-4-1, 6 KO) men Djono Kerroll (16-0-1, 3 KO) hedlaıner bolyp otyr.
Jeńil salmaqta áıelder arasynda álemniń eki chempıony - WBA jáne IBF tıtýldarynyń ıegeri Ketı Teılor (12-0, 5 KO) men WBO belbeýiniń ıegeri Roýz Volante (14-0, 8 KO) aıqasady. Qazaqstandyq boksshy Gennadıı Golovkınniń burynǵy qarsylasy Gabrıel Rosado (24-11-1, 14 KO) byltyr Denıel Djeıkobspen judyryqtasqan Maseı Sýleskımen (27-1, 11 KO) kúsh synamaq.
Taǵy bir jup bekitildi: Genrı Landı (29-7-1, 14 KO) - Everı Sperroý (9-1, 3 KO). Sondaı-aq, qatysýshylar tiziminde Djon Djo Nevın (11-0, 4 KO) men debıýtant Reımond Ford bar.