О́tken jyly Almaty oblysynyń bilim salasyn qoldaýǵa bıýdjetten 163,7 mlrd teńge qarjy bólingen eken. Qazir aımaqtaǵy 760 mektepte 390087 bala bilim alýda. Esepti jyl ishinde oqýshylardyń sany 17052 balaǵa kóbeıipti. Bul derekterdi búgin turǵyndar aldynda esep bergen oblys ákimi Amandyq Batalov jarııa etti.
- Oblystaǵy oqýshylar sanynyń úzdiksiz ósýi bilim salasyndaǵy jumysty shırata túsý kerektigin bildiredi. Búginde oblys boıynsha 3 aýysymdy mektepter sany – 34. О́tke noqý jylynda biz 9 mektepti jańadan salyp, 28 bilim mekemesine kúrdeli jóndeý jasadyq. Bul jumysqa 7,7 mlrd teńge jumsaldy. Alaıda, aımaqtaǵy bal týý kórsetkishiniń joǵarlaýy men kóshi-qon úrdisiniń ósýi balalardy mekteppen qamtýǵa úlgertpeı jatyr, - dedi ákim.
Jalpy, oblys mektepteriniń 2018-2019 oqý jylynda materıaldyq-tehnıkalyq bazasyn nyǵaıtýǵa 966,8 mln teńge, onyń ishinde 823 mln teńge mýltımedııalyq jabdyq satyp alýǵa bólingen. Esep boıynsha oblys mektepterin kitaptar qory men kompıýterlik tehnıka jabdyǵymen aqmtý úlesi 100 prosentke jetken. Qazir aımaqtaǵy 256 mektepte jaratylystaný-matematıkalyq baǵyttaǵy pánderdi aǵylshyn tilinde oqytý pılottyq rejımde júrgizilýde. Munan bólek 48 mektepte robototehnıka kabınetteri ashylyp, onda 1442 oqýshy bilim alyp otyr.
- Bilim sapasyna qatysty budan bir jyl buryn syn aıtylǵan bolatyn. Qazir oń nátıje baıqalady. Ásirese, oqýshylardyń UBT synaǵynda kórsetken úlgeriminde ilgerleý bar. 2018 jyly ortasha ball 85,1 posentti qurady, al 2017 jyly bul kórsetkish 77 prosentten aspaǵan bolatyn, -dedi Amandyq Batalov.
Qalmahanbet MUQAMETQALI,
«Egemen Qazaqstan»
Almaty oblysy