Beısenbi, 9 aqpan 2012 8:16
Keshe Izraıldiń memlekettik sektorynda jumys isteıtin qyzmetkerler ereýil bastady. Reıter agenttiginiń aqparattaryna qaraǵanda, olar bıýdjettik mekemeler qyzmetkerleriniń jaǵdaıyn jaqsartýdy talap etedi.Ereýil saldarynan eldegi bankter, temir joldar, qor rynogy men birqatar úkimettik mekemeler jumys istemeı tur. Sondaı-aq Tel-Avıvke jaqyn «Ben-Gýrıon» halyqaralyq áýejaıy da ýaqytsha jabylǵan. Sarapshylardyń baǵalaýynsha, bul aksııanyń árbir kúni el ekonomıkasyna 500 mıllıon dollar shyǵyn keltiretin kórinedi. Alǵashynda saýda palatasy odaǵy aksııaǵa tyıym salýdyń múmkindigin qarastyryp kórgen eken. Izraıldiń joǵarǵy soty saýda palatasynyń ótinishin qabyldamaı tastaǵan.
Beısenbi, 9 aqpan 2012 8:16
Keshe Izraıldiń memlekettik sektorynda jumys isteıtin qyzmetkerler ereýil bastady. Reıter agenttiginiń aqparattaryna qaraǵanda, olar bıýdjettik mekemeler qyzmetkerleriniń jaǵdaıyn jaqsartýdy talap etedi.Ereýil saldarynan eldegi bankter, temir joldar, qor rynogy men birqatar úkimettik mekemeler jumys istemeı tur. Sondaı-aq Tel-Avıvke jaqyn «Ben-Gýrıon» halyqaralyq áýejaıy da ýaqytsha jabylǵan. Sarapshylardyń baǵalaýynsha, bul aksııanyń árbir kúni el ekonomıkasyna 500 mıllıon dollar shyǵyn keltiretin kórinedi. Alǵashynda saýda palatasy odaǵy aksııaǵa tyıym salýdyń múmkindigin qarastyryp kórgen eken. Izraıldiń joǵarǵy soty saýda palatasynyń ótinishin qabyldamaı tastaǵan.
Soǵystyń sońǵy ardageri ómirden ozdyBirinshi dúnıejúzilik soǵysta oǵan qatysýshy sońǵy adam Florans Grın Ulybrıtanııanyń Kıngz-Lınn qalasynda ómirden ozdy. Keıýana 4 aqpan kúni 111 jasqa tolýyna eki apta qalǵanda qaıtys bolǵan.Florans Grın birinshi dúnıejúzilik soǵys kezinde brıtandyq Marhem áskerı áýe kúshteri bazasynda daıashy bolyp jumys istepti. Soǵys aıaqtalǵannan keıin ol 1918 jyly qurylǵan Koroldiktiń áıelder áskerı áýe kúshterinde qyzmet etken. 2008 jyly bergen bir suhbatynda Florans Grın soǵys kezinde óziniń kóptegen ushqyshtarmen tanysqanyn, olarmen jıi qydyrǵanyn, jumystan keıingi bos ýaqytyn óte kóńildi ótkizgenin aıtyp, aǵynan jarylypty. Birinshi dúnıejúzilik soǵystyń sońǵy ardageri Klod Chýlz 2011 jyly 110 jasynda qaıtys bolǵan edi. Ol ómirden ozǵan soń, F.Grın soǵystyń sońǵy ardageri retinde resmı túrde tanylǵan eken.
Arab elderi de syrt aınala bastadyParsy shyǵanaǵyndaǵy Arab memleketteriniń yntymaqtastyǵy keńesi oǵan múshe barlyq elder ózderiniń Sırııadaǵy elshilerin keri shaqyryp alatyndaryn málimdedi. Osyǵan baılanysty endi sırııalyq elshiler de bul memleketterdiń aýmaǵynan shuǵyl shyǵarylatyn bolady.Mundaı sheshimdi keńeske múshe alty el – Saýd Arabııasy, BAÁ, Bahreın, Kýveıt, Oman jáne Katar memleketteri Sırııanyń prezıdenti Bashar Asadtyń rejimine qarsylyq tanytý retinde qabyldap otyr. Birqatar málimetter qazirgi bılikti qulatýdy jaqtaýshylar men úkimettik kúshter arasyndaǵy janjaldar saldarynan 7 myńnan astam adam qurban bolǵanyn kórsetedi. BUU Qaýipsizdik Keńesi Bashar Asadty otstavkaǵa ketirip, elde saıası reforma júrgizýge qatysty qarar qabyldaýǵa árekettengen edi. Buǵan Qytaı men Reseı kelisim bermeı otyr.
Ekinshi merzimge qaıta saılanbaýy úshin…Amerıkalyq birqatar kásipkerler Barak Obamanyń prezıdenttikke ekinshi merzimge qaıta saılanbaýy úshin 100 mıllıon dollar bólýge ýáde berip otyr. Mundaı sheshim ótken jeksenbide Kalıfornııanyń ońtústigindegi kýrortta ótken konservatıvtik aýandaǵy saıasatkerler men kásipkerlerdiń kezdesýinde qabyldanǵan sııaqty.Keıbir aqparattarǵa qaraǵanda, bul kezdesýge 250-300-deı adam qatysqan. Osy sharany uıymdastyrǵan aǵaıyndy Charlz jáne Devıd Koýktardyń árqaısysy tıisinshe 40 jáne 20 mıllıon dollar bólýge mindettengen kórinedi. Bir qyzyǵy, osyndaı sharany aǵaıyndy Koýktar osymen toǵyzynshy jyl uıymdastyryp keledi eken. 2011 jyly olardyń jıynyna qarsylyq aksııasy da bolyp ótipti. Al bul joly ondaı qarsylyq baıqalmaǵan.
Armıandar máselesine baılanysty kómek suradyTúrkııanyń Eýropa Odaǵymen ózara qatynastar jónindegi mınıstri Egemen Bagıs Germanııany Fransııa men Túrkııa arasyndaǵy armıandarǵa qarsy zulmat (genosıd) týraly tarıhı daýdy sheship berýge shaqyrdy. Parıj qabyldaǵan zań qazirgi kezde Fransııanyń konstıtýsııalyq sotynda tekserilip jatyr.Túrkııalyq mınıstrdiń suhbatynda atalǵandaı, búginde daý-damaıdy órshitip otyrǵan 1915 jylǵy jaǵdaı týraly málimetter Germanııanyń muraǵattarynda saqtalǵan bolýy kerek. Sondyqtan da ol Berlındi tarıhshylar úshin óz muraǵattaryn ashýǵa shaqyrdy. E.Bagıstiń habardar etýinshe, azamattyq soǵys kezinde túrikter tarapynan da, armıandar tarapynan da qurban bolǵandar jeterlik. Bular jóninde qujattar bar.
«Soǵys emes, beıbitshilik qajet»Argentına BUU-ǵa Ulybrıtanııanyń Folklend araldaryndaǵy áskerılerin kúsheıtip jatqanyna baılanysty resmı shaǵym joldady. Bul Argentına prezıdenti Fernandes de Kırshnerdiń málimdemesinde atap kórsetilgen.Prezıdenttiń málimdemesi boıynsha, Ulybrıtanııanyń bul áreketi halyqaralyq qaýipsizdikti nyǵaıtýǵa keri yqpal etedi, qaýip-qaterdi kúsheıtedi. Onyń pikirinshe, Ulybrıtanııa soǵys órtin tutandyrý arqyly Argentınanyń tabıǵı resýrstaryna qol jetkizýdi maqsat etip otyr. «Brıtandyq premer-mınıstrge álemge soǵys emes, beıbitshilik qajet ekenin aıtqym keledi», – dep túıindegen ol sózin.
Qysqa qaıyryp aıtqanda:* Ázerbaıjan Shah-Denız ken orny aýdanyndaǵy platformanyń tehnıkalyq aqaýlyǵyna baılanysty Túrkııa men Grýzııaǵa gaz eksporttaýdy ýaqytsha toqtatty.* Nıderlandyda qystyń aıazdy bolýy saldarynan sý kanaldary qatyp jatyr. Sondaı-aq Venesııa men Parıj qalalary da osyndaı qıyndyqqa tap bolýda. Eýropanyń birqatar elderinde aýa temperatýrasy 39 gradýsqa tómendegen.* Reseı men Úndistan bıylǵy jyly da birlesken «Indra» atty qurlyqtaǵy áskerı jattyǵýdy jalǵastyrady. Jattyǵý Qytaı men Mońǵolııa shekarasyndaǵy Gepard polıgonynda ótedi.* Shvesııanyń premer-mınıstri Fredrık Reınfeldt elde zeınetkerlikke shyǵý jasyn 75-ke deıin uzartý múmkindigin qarastyrýdy usyndy.* Tashkent oblysy Shyrshyq qalasynyń mılısııasy qazaq jáne ózbek jastary arasyndaǵy bolýy múmkin ultaralyq qaqtyǵystyń aldyn aldy. Bul ınternetke ornalastyrylǵan ánnen shyqqan.Internet materıaldary negizinde ázirlendi.