Sharaına

Beısenbi, 29 naýryz 2012 7:35

ROMNI RESEIDI JAÝ DEP ESEPTEIDI

Respýblıkalyq partııadan AQSh senatyna múshe Mıtt Romnı prezıdent Barak Obamadan PRO júıesin qurý barysynda Reseı aldynda eshqandaı sheginis jasamaýdy talap etti.

Aq úıdiń syrtqy saıasattaǵy baǵytyna syn aıtqan AQSh prezıdenttiginen úmitker Mıtt Romnı Reseıdi nómir birinshi jaý dep atady. Orystardyń aldyndaǵy kez kelgen sheginis AQSh-tyń múddeleri men qaýipsizdigine qater tóndirýi múmkin delingen respýblıkashyl-senatorlardyń prezıdent Barak Obamaǵa joldaýynda. Hatqa respýblıkashyldar fraksııa­sy­nyń 47 múshesiniń 43-i qol qoıǵan.

Beısenbi, 29 naýryz 2012 7:35

ROMNI RESEIDI JAÝ DEP ESEPTEIDI

Respýblıkalyq partııadan AQSh senatyna múshe Mıtt Romnı prezıdent Barak Obamadan PRO júıesin qurý barysynda Reseı aldynda eshqandaı sheginis jasamaýdy talap etti.

Aq úıdiń syrtqy saıasattaǵy baǵytyna syn aıtqan AQSh prezıdenttiginen úmitker Mıtt Romnı Reseıdi nómir birinshi jaý dep atady. Orystardyń aldyndaǵy kez kelgen sheginis AQSh-tyń múddeleri men qaýipsizdigine qater tóndirýi múmkin delingen respýblıkashyl-senatorlardyń prezıdent Barak Obamaǵa joldaýynda. Hatqa respýblıkashyldar fraksııa­sy­nyń 47 múshesiniń 43-i qol qoıǵan.

KASTRO RIM PAPASYMEN KEZDESPEK

Fıdel Kastro Kýbada saparmen júrgen Rım Papasy Benedıkt HVI-men kezdesetin bolady.

Men eldiń syrtqy ister mınıstri Brýno Rodrıgesten Papanyń menimen kez­desýge qýanyshty ekenin bildim, son­dyq­tan odan men úshin óziniń qymbatty bir­neshe mınýtyn bólýdi suradym dep jazǵan Kastro óziniń jergilikti basylymda jarııalanǵan maqalasynda. Aıta ketý kerek, Kýba uzaq ýaqyttar boıy ateıstik memleket retinde tanylyp kelgen bolatyn. Tek 90-jyldardyń ortasynan bastap qana elde shirkeýge degen kózqaras ózgere bastady.

SIRIIаDAǴY AHÝAL TALQYLANBAQ

Túrkııa premer-mınıstri Redjep Taııp Erdoǵan keshe el basshylyǵymen kelissózder júrgizý úshin Iranǵa keldi.

Ol Iran prezıdenti Mahmýd Ahmadınejadpen jáne parlament tóraǵasy Álı Larıdjanımen kezdespek. Búginde qan­tógister jalǵasyp jatqan kórshiles Sırııadaǵy ahýal negizgi áńgime ózegine aınalady dep kútilýde. Túrik premeri­niń aıtýynsha, qazirdiń ózinde bul elge 17 myń bosqyn kelgen. Túr­kııa Sırııa prezıdenti Bashar Asad reji­mine syn kózben qara­sa, Iran kerisinshe, Sırııa bıliginiń ejelgi odaqtasy bolyp tabylady.

JAŃA ZYMYRANDY SYNAQTAN О́TKIZDI

Úndistan Reseı-Úndistan birlesip jasaǵan «BraMos» dybystan jyldam ushatyn qanatty zymyrandy synaqtan ótkizdi.

Zymyran Orıssa shtatyndaǵy polıgonnan ushyrylǵan. «BraMos» zymyrany 200 shaqyrym qashyqtyqqa usha alady jáne 300 kıloǵa deıin salmaqtaǵy qarapaıym úlgidegi oqtum­syqty jetkizýge qabiletti. Zymyrannyń atalǵan túri­men úndi armııasy ótken jyldyń sońynan bastap qarýlanýǵa kirisken bolatyn. «BraMos» qurlyqtaǵy kúshterdiń jaýyn­ger­lik múmkindikterin aıtarlyqtaı arttyrýǵa jaǵdaı jasaıdy.

EÝROPA ÁSKERI О́NERKÁSIBINDEGI QULDYRAÝ

Qarjy tapshylyǵy saldarynan 2020 jylǵa qaraı Eýropada áskerı ushaq­tar, tikushaqtar men ushqysh­syz ushatyn apparattar óndirisine qater tónýi múmkin.

Eýropadaǵy áskerı avıaqurylys óner­kásibi buryn salynǵan qarjynyń arqasyn­da ǵana jan saqtap tur. Osyndaı qorytyndy jasaǵan Eýro­palyq qorǵanys agenttiginiń zertteý toby iri-iri eýropalyq qorǵanys kompanııalarynyń qyzmetin óz baıandamasynyń negizine alǵan. Eýropanyń áskerı ónerkásibi salaǵa ınvestısııalar tartý arqyly ǵana daǵdarystan qutyla alady.

MALIDE JAŃA QUJAT JARIIаLANDY

Malıde bılikti basyp alǵan áskerı hýnta eldiń burynǵy konstıtýsııasyn almastyratyn qujatty jaryqqa shyǵardy.

Hýntanyń málimdeýinshe, jańa negizgi zań demokratııaǵa qoldaý jasaýǵa baǵyttalǵan jáne eń basty adam quqyqtary­nyń barlyǵyn da saqtaýǵa kepildik beredi. Sonymen birge Batysafrıkalyq memleketterdiń ekonomıkalyq qaýymdas­tyǵynyń lıderleri Malıdiń osy uıymǵa músheligin toqtatyp tastady. Sóz oraıynda ústimizdegi jyldyń 22 naýryzynda Malıde áskerı tóńkeris bolǵanyn aıta ketý qajet.

О́LIM JAZASYNA KESILGENDER QANShA?

Eń joǵary jazany qoldanatyn elderdiń azaıǵa­nyna qaramastan, álemde ótken jyly ólim jazasyna kesilgender sany arta túsken.

Bul týraly Amnesty International halyqaralyq quqyq qor­ǵaý uıymynyń baıandamasynda keltirilgen. Ondaǵy máli­met­ter boıynsha, 2011 jyly álemde ólim jazasyna kesil­gender sany aldyndaǵy jylǵa qaraǵanda 149 adamǵa kóp bolǵan. Onyń syrtynda 18750 adam túrmelerde ólim jazasyn kútýde. Bul sanǵa aqparattardyń memlekettik qupııa bolyp tabylatynyna baılanysty Qytaıda ólim jazasyna kesil­gender enbegen kórinedi. Sol sııaqty Vetnam, Mońǵolııa jáne Belorýssııa ólim jazasyna kesilgender sanyn qupııa ustaıdy eken.

ANNANNYŃ JOSPARY JÚZEGE ASA MA?

Sırııa úkimeti BUU-nyń arnaýly ókili Kofı Annannyń elde kúsh kórsetýdi toqtatý týraly josparyn júzege asyrýǵa kelisti.

Kofı Annan óz kezeginde Sırııa bıliginen moınyna alǵan mindettemelerdi jedel túrde oryndaýdy talap etti. Bashar Asadtyń mundaı sheshim qabyldaýyna Reseı ustanymynyń da yqpal etkeni anyq. Degenmen, bul jospardyń júzege asaryna kúmánmen qaraýshylar da az emes. Oǵan qujatta naqtylanbaǵan jalpylama baıandaýlardyń oryn alýy sebepker bolyp otyr.

О́ZINEN-О́ZI ÁBIGERGE TÚSKEN UShQYSh

AQSh-ta Nıý-Iorkten Las-Vegas qa­la­syna qaraı bet alyp bara jatqan ushaq Tehas shtatyndaǵy Amarıllo áýejaıyna tótenshe jaǵdaıda qonýǵa májbúr bolǵan.

Kýágerlerdiń aıtýlaryna qaraǵanda, reıs komandıri ushaq ishinde orynsyz ábigershilik týǵyzǵan. Ol bomba bar dep aıqaılap, ózine áldebir kodty berýdi talap etken. Osydan keıin ushqyshty jolaýshylar salonyna aýystyryp, onyń ornyna mamandyǵy ushqysh bolyp tabylatyn bir jolaýshyny otyr­ǵyzýǵa týra kelgen. Aıaq astynan minez kórsetken áýe kompa­nııasynyń qyzmetkeri aýrý­hanaǵa jatqyzylǵan kórinedi.

Internet materıaldary negizinde ázirlendi.