Oblys ákimi О́mirzaq Shókeev óńir ardagerlerimen kezdesti. Basqosý el birligi, jastar tárbıesi, eldiń áleýmettik jaǵdaıyn kóterý, Túrkistandy túletý máseleleri boıynsha órbidi. Bul týraly Túrkistan oblys ákiminiń baspasóz qyzmeti habaralady.
Kezdesýde aımaq basshysy eldiń rýhanı damýy úshin aldyńǵy tolqyn ardagerlerdiń úlesi mol ekendigin aıtty.
«Elbasymyzdyń «Bolashaqqa baǵdar: rýhanı jańǵyrý», «Uly dalanyń jeti qyry» atty baǵdarlamalyq maqalalary boıynsha oblysta naqty jumystar atqarylýda. Osy maqalalary arqyly tereńge tamyr tartqan tarıhymyzdy, ulttyq bolmysymyzdy qadirleý kerektigin aıtty. Sol izgi qasıetterdiń biri – qazynaly qarttardy qurmetteý. Al aqsaqaldarymyz urpaqqa ónegeli áńgimesin aıtyp, eldi birlikke, yntymaqqa shaqyrýy tıis», – dedi óńir basshysy О́mirzaq Shókeev.
Odan soń oblystyq ardagerler keńesiniń tóraǵasy Jeńisbek Máýlenqulov uıymnyń negizgi maqsatyna toqtaldy.
«Ardagerler uıymynyń 168 múshesi bar. 33 jyldyq tarıhyn aýyz toltyryp aıtýǵa bolady. Ardagerler uıymynyń maqsaty – el tatýlyǵyn tý etip, urpaq tárbıesine kóńil bólý. Ardagerlerdiń áleýmettik qamsyzdandyrylýyn járdem berý. Sondaı-aq, Sizge Túrkistandy túletýde, Túrkistandy kórkeıtýde qajyr- qaırat tileımiz», – dedi ol.
Kezdesýde birqatar ardagerler Elbasy maqalasy jaıynda, óńir ahýaly haqynda, sondaı-aq uıym múshelerine qajetti ǵımarat, kólik, qoldaý jaǵyn sóz etti.
О́z kezeginde oblys ákimi barlyq qoldaý kórsetiletindigin jetkizdi.
«Halqymyzda «Yntymaq – buzylmaıtyn qorǵan, Qosylyp ekken aǵash – orman» degen maqal bar. Iаǵnı, ár isti kelisip isteı bilsek, urpaqtar arasynda sabaqtastyq úzilmese, elimiz órkendeıdi. Kezinde Tóle, Qazybek, Áıteke syndy kemeńgerlerimiz eldi uly murat jolynda toptastyryp, bátýaly oılaryn aıtyp, memleketke qyzmet ete bilgen. Sizderge ǵımarat, kólik turǵysynan tıisti qoldaý kórsetiledi. Túrkistandy túletý jolynda birige eńbek etemiz», – dedi О́mirzaq Estaıuly.