Qarajat jeńildikpen qarjylandyrýǵa, saqtandyrý kólemin ulǵaıtýǵa jáne eksporttaýshylardyń kólik shyǵyndaryn óteýge, kórmeler, marketıng, satý naryqtaryna keshendi taldaý jáne sertıfıkattaý shyǵyndaryn óteý úshin keń qyzmet kórsetýdi qamtamasyz etýge baǵyttalady. Bul týraly Indýstrııa jáne ınfraqurylymdyq damý mınıstri R.Sklıar málimdedi.
«Joǵaryda atalǵan sharalardy iske asyrý nátıjesinde 2022 jylǵa qaraı qosylǵan qun úlesi joǵary daıyn taýarlardy eksporttaıtyn keminde 150 kompanııanyń kólik shyǵyndaryn óteýdi, eksporttyń saqtandyrý syıymdylyǵyn 32 mlrd teńgeden 215 mlrd teńgege deıin arttyrýdy, taýarlar men qyzmetterdiń shıkizattyq emes eksporttyq kólemin 22,7 mıllıardtan 31,8 mlrd AQSh dollaryna deıin jetkizýdi josparlap otyrmyz» dedi Roman Sklıar.
Sondaı-aq ol bıyl «Qaınar-AKB» JShS óndiris kólemin 2,8 mln akkýmýlıatorlyq batareıasyna deıin arttyrýdy josparlap otyrǵanyn atap ótti.
«Eksporttaýshylardyń qoldaý kórsetý sharalary aıasynda eksport kólemin atalǵan kásiporyn 75%-ke deıin jetkizedi» dedi mınıstr.