Qasym-Jomart Toqaev Qorǵanys mınıstrligine qarasty tikushaqtyń apatqa ushyraýy saldarynan qaza bolǵandardyń otbasyna kóńil aıtty.
Memleket basshysy áskerı tikushaqtyń apatqa ushyraýy saldarynan Qazaqstan Respýblıkasy Qarýly Kúshteri áskerı qyzmetshileriniń qaza tapqany týraly habardy zor kúızelispen qabyldady.
«Qazaqstan halqynyń jáne jeke ózimniń atymnan áskerı qyzmetshilerdiń týǵan-týystary men jaqyndarynyń qaıǵysyna ortaqtasyp, kóńil aıtamyn. Men tıisti memlekettik organdarǵa tikushaq apatynyń sebepterin zerttep, qaza tapqandardyń otbasyna qajetti kómek kórsetýdi tapsyrdym», – delingen kóńil aıtý mátininde.