«Mı-8» áskerı tikushaǵynyń bortynda bolǵan jaýyngerlerdiń esimderi anyqtaldy.
«Altyn jebe» áskerı oqý-jattyǵý oıyndaryna qatysý úshin áýege kóterilgen tikushaq keshe Qyzylorda oblysynyń aýmaǵynda apatqa ushyǵaraǵan bolatyn. Búgin qaza bolǵan 13 áskerı qyzmetshiniń segizi Aqtaý qalasyndaǵy áskerı bólimde qyzmet etetin jetisýlyq azamattar ekeni belgili boldy. Almaty oblysynan áskerge shaqyrylyp, azamattyq boryshyn ótegen marqumdardyń tizimi tómendegideı:
Maıor Tımýr Qudaıberdıev, Aqtaý qalasyndaǵy № 30153 áskerı bólimge 2004 jyly Eńbekshiqazaq aýdanynan shaqyrylǵan. Úılengen 2 balanyń ákesi. Marqumnyń otbasy Talǵar aýdanynnyń Keńdala aýylynda turady. .
Serjant Qaırat Nursapanov,1993 jyly Alakól aýdanynan áskerge shaqyrylǵan. Úılengen, 2 balanyń ákesi.
Aǵa serjant Murat Sháripov, ásker qataryna 1997 jyly Alakól aýdanynan shaqyrylǵan. Marqumnyń artynda 4 balasy qaldy.
Kishi serjant Ashat Abdýlmanat, áskerge 2010 jyly Taldyqorǵan qalasynan attanyp, Aqtaý qalasynda boryshyn ótep júrdi. Otbasynda 3 balanyń ákesi edi.
Efreıtor Mıras Jumataev, Mıras Almasovıch, 2011 jyly Taldyqorǵan qalasynan áskerge shaqyrylyp, Aqtaýdaǵy №30153 áskerı bólimde qyzmet etti. Úılenbegen.
Efreıtor Qýanysh Sarqytbaev, Kerbulaq aýdanynyń týmasy, Qýanysh Meıramǵalıuly, á/b 30153 Aqtaý qalasy. 2007 jyldan beri Aqtaýdaǵy №30153 áskerı bólimde qyzmet etip keldi. Marqumnyń artynda 2 balasy qaldy.
Efreıtor Aıdyn Abdıldınov, Taldyqorǵan qalasynda týyp-ósken, 1999 jyldan beri áskerı qyzmetker bolǵan. Úılengen, 2 balanyń ákesi.
Leıtenant Aslan Aıtbaev , áskerge Ile aýdanynan shaqyrylǵan.
Búgin oqıǵaǵa oraı jedel keńes ótkizgen Almaty oblysynyń ákimi Amandyq Batalov qaza bolǵandardyń jaqyndary men týǵan-týystaryna kóńil aıtyp, sheıit ketken sarbazdardyń otbasyna meterıaldyq kómek kórsetiletinin aıtty. «Mı-8» áskerı tikushaǵy apatynan qaza bolǵan jetisýlyq áskerı qyzmetshilerdiń denesi týystarynyń qalaýymen týǵan jerine, erteń jer qoınyna tapsyryldy.
Qalmahanbet MUQAMETQALI,
«Egemen Qazaqstan»
Almaty oblysy