Búgin Nur-Sultan qalasy Tótenshe jaǵdaılar departamenti tasqynǵa qarsy jaǵdaıdy monıtorıngten ótkizý maqsatynda qalanyń shekeralyq aýmaǵyn aınalyp ushý sharalaryn uıymdastyrdy, dep habarlaıdy elorda ákimdiginiń resmı saıty.
Shara elorda ákimi Baqyt Sultanov, QR IIM mınıstriniń orynbasary Iýrıı Ilın, TJD bastyǵynyń mindetin ýaqytsha atqarýshy Marǵulan Amanbaev, «Esil basseındik ınspeksııasy» RMM, «Kazgıdromet» MKQK, Esil ózeniniń aransyn jobalaýshy «Orta» JShS ókilderiniń qatysýymen ótti.
Aınalyp ushý sý tasqyny jaǵdaıy týraly aqparat jınaý jáne tabıǵı sıpattaǵy tótenshe jaǵdaılardyń týyndaýyna jol bermeý boıynsha sharalar ázirleý úshin júrgizildi.
«Ushaqpen aralaý jumystarynyń barysynda Maıbalyq kóli, Vıacheslavskoe sý qoımasy aýdanyndaryndaǵy, Qaraǵandy jáne Aqmola oblystarynyń eldi mekenderindegi qar jáne ylǵal qorynyń aýqymy naqtylandy.
Atalmysh shara Vıacheslav sý qoımasynda jáne Astanalyq baqylaý rettegishinde sý aǵynyn aldyn ala esepteýge, sondaı-aq jergilikti atqarýshy organdarǵa, TJD jáne «Qazsýshar» MM-ne sý tasqynyna qarsy is-sharalardy ótkizýge daıyndalýǵa múmkindik beredi.
Yqtımal sý tasqyny jaǵdaıynyń aldyn alý boıynsha sharalar keshenin ázirleý maqsatynda qala ákimdigimen birlesip elorda aýmaǵynda tasqyn sýlardy uıymdasqan túrde ótkizý boıynsha keshendi is-sharalar jospary ázirlendi», – delingen TJD-niń habarlamasynda.
Búgingi tańda sý basý qaýpi bar 34 ýchaske anyqtaldy. Árbir ýchaske boıynsha jumys túrleri, qajetti materıaldyń kólemi anyqtalyp, jaýapty oryndaýshylar belgilendi.
Qala aýmaǵyndaǵy avtomobıl joldarynyń barlyq sý tasqyny qaýipti jáne qar basatyn ýchaskelerin, sondaı-aq zardap shekkender úshin jumyldyrylatyn kúshter men quraldardy jáne jylytý pýnktterin engize otyryp, tabıǵı jáne tehnogendik sıpattaǵy TJ ushyraǵyshtyq kartalary ázirlendi, munda sonyń ishinde Ilınka, О́ndiris, Kóktal, Jeleznodorojnyı, Prıgorodnyı, Ońtústik-Shyǵys sııaqty qalanyń barlyq turǵyn alaptary, jańa temirjol vokzalynyń, áýejaıdyń, gaz apparatýrasy zaýytynyń aýdandary eskerilgen.
Qala qyzmetteriniń qyzmetin úılestirý úshin aýmaqtar men eldi mekenderdi sý tasqyny sýlarynyń zııandy áserinen qorǵaýdy qamtamasyz etý boıynsha is-sharalardy ótkizý kezinde memlekettik organdardyń ózara is-qımyl algorıtmi bekitildi. Sonymen qatar, tótenshe jaǵdaılardan zardap shekken halyqty kóshirý boıynsha memlekettik organdardyń ózara is-qımyl algorıtmi ázirlendi.
Turǵyndardy qaýipsiz jerge kóshirý qajet bolǵan jaǵdaıda, zardap shekken halyqty ýaqytsha ornalastyrý jáne olardyń turatyn jerleri anyqtaldy. Naqtyraq aıtqanda, olar temirjol vokzaly, saparjaı, mektepterdiń sport zaldary sııaqty nysandarǵa, odan keıin qonaq úıler men jataqhanalarda ornalastyrylatyn bolady. Sondaı-aq, qajet bolǵan jaǵdaıda sý tasqyny kezinde paıdalanýǵa bolatyn 73 JEP bar.
Sý tasqyny kezeńine qalanyń azamattyq qorǵaý memlekettik júıesin daıyndaý maqsatynda qalanyń kommýnaldyq qyzmetteri men ishki ister organdarynyń avtokólikteri jáne ınjenerlik tehnıkasynyń jalpy toby jeke quramnan 663 adam, 191 birlik tehnıka, onyń ishinde 2 birlik PNS-110, 14 júzý quraldary, 67 motopompa, sondaı-aq 1 tikushaq jumyldyryldy. Inertti materıaldardyń qory 18000 tonna (qum, usaq tas), janar-jaǵar maı jáne tamaq daıyndaldy.
Búgingi tańda Astana sý qoımasynyń sý shyǵyny 13,89 m3/sek quraıdy, tolymdylyǵy – 233,31 mln.m3, bul jobalyq qýattyń 56,78%-yn quraıdy.
Qazir baqylaý rettegishtiń naqty tolyqtyrylý kólemi 2,6 mln.m3. 27 naýryzdaǵy jaǵdaıǵa sáıkes retteýshi syıymdylyqtyń negizgi sý jiberý arqyly sý shyǵarýdyń kólemi - 1,5 m3 / sek. Sý shyǵarý arqyly ótetin Esil ózeniniń turmystyq shyǵyny №1-0, 8 m3/sek.