Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev Almaty qalasyndaǵy rezıdensııasynda birneshe kezdesý ótkizdi.
Túrkistan oblysynyń ákimi О́.Shókeevpen bolǵan kezdesýde óńirdiń qazirgi áleýmettik-ekonomıkalyq damý máseleleri talqylandy. Oblys ortalyǵy Túrkistan qalasynda qurylys jumystaryn júrgizý josparyna erekshe nazar aýdaryldy.
«Qazaqstan Halyq banki» AQ Dırektorlar keńesiniń tóraǵasy A.Pavlovpen ótken kezdesýde taraptar elimizdiń bank sektoryndaǵy qazirgi ahýaldy jáne osy salany odan ári damytý perspektıvalaryn, sondaı-aq, Qazaqstannyń qarjy naryǵynyń ózekti máselelerin talqylady.
Elbasy Nursultan Nazarbaev «Ortalyq Azııa Elektr energetıkasy korporasııasy» AQ Dırektorlar keńesiniń tóraǵasy A.Klebanovpen kezdesý barysynda elektr-jylý energııasyn óndirý naryǵyn damytýdyń jáne elimizdiń óńirlerin energııamen jabdyqtaý isinde qaýipsizdikti qamtamasyz etýdiń ózekti máselelerine basa mán berdi. Taraptar, sondaı-aq, energııamen jabdyqtaý salasyndaǵy tarıf saıasatyn iske asyrýdyń qazirgi úderisin talqylady.