Memleket basshysy eki eldiń uzaq merzimdi ulttyq múddelerin qamtamasyz etý isindegi Qazaqstan men Reseı áriptestigi men odaqtastyǵynyń mańyzdylyǵyn atap ótti. Bul týraly Aqordanyń baspasóz qyzmeti habarlaıdy.
«Qazaqstannyń Tuńǵysh Prezıdenti – Elbasy Nursultan Nazarbaev árdaıym eki el arasyndaǵy qatynastardyń etalon sanalatynyn atap ótedi. Sondyqtan, Memleket basshysy retinde meniń mindetim bizdiń kóshbasshylarymyz – N. Á. Nazarbaev pen V. V. Pýtın negizin qalaǵan ekijaqty yntymaqtastyqty damytýǵa qosymsha serpin berý bolyp tabylady», — dedi Qasym-Jomart Toqaev.
Reseı Federasııasyna jasaıtyn aldaǵy resmı saparyna baılanysty Memleket basshysy joǵary deńgeıdegi kelissózder barysynda bilim berý jáne ǵylym salasynyń ózekti máseleleri talqylanatynyn aıtty.
«Biz yntymaqtastyqty keńeıtý aıasynda bilim berý máselelerin de talqylaımyz dep oılaımyn. Búgingi eń bastysy – bilim berý salasyna ınvestısııa tartý», — dedi Qazaqstan Prezıdenti.
A. Fýrsenko Qasym-Jomart Toqaevqa óziniń Qazaqstanǵa sapary barysynda ótkizgen kezdesýleri jóninde málimet berdi.
«Biz konstrýktıvti jáne qyzyqty kelissózder júrgizdik, Ulttyq bıotehnologııa ortalyǵyna, Nazarbaev Ýnıversıtetine, Parlament Senatyna bardyq. Búgin elderimiz arasynda ǵylym salasyndaǵy yntymaqtastyq meılinshe tabysty júzege asyrylýda. Bul baǵytta ortaq basymdyqtar men damytýǵa qajetti áleýetimiz bar», — dedi Reseı Federasııasy Prezıdentiniń kómekshisi.