S.Toraıǵyrov atyndaǵy memlekettik ýnıversıtette ótken bul shara Enactus PSU komandasynyń 5 jyldyǵyna arnaldy.
Jańashyl startap jobalaryn tanystyrýǵa bizdiń óńirdiń, Semeı, Nur-Sultan, Aqsý qalalarynda bilim alyp júrgen stýdent jastary jınaldy.
Jalpy ýnıversıtettegi «Stýdenttik startap jobalar uıymynyń» málimetinshe, STARTUP FEST-te usb porttary bar jyly aıaldama, damytýshy oıyndar, ıppoterapııa, Office box jáne jarnamalyq bokstar jobalary tanystyryldy.
Startap jobalardyń tanystyrylym rásimine Enactus Kazakhstan uıymynyń prezıdenti Albına Erjanova da arnaıy keldi.
Al, shara qatysýshylary-stýdentter elimizdegi «Áleýmettik kásipkerlik mektebiniń» negizin qalaýshy Emına Áskerova men Yuframe vaın-komandasynyń menedjeri Rasýl Abdýllaevtyń trenıngterine qatysty.
- Bul «О́zindi tabý» bul-«Yuframe» tobynyń urany jáne negizgi mıssıalarynyń biri. Adam ózin ózi tapqannan keıin ǵana áleýetin arttyra alady, - deıdi Rasýl Abdýllaev.
Sonymen birge, shara aıasynda startaptar jarysy da uıymdastyryldy. Úzdik jobalarǵa jetekshi mentorlardan sapaly qoldaý kórsetiledi.
Jıyn sońynda «Y-cup» jobasy úzdik startap atanyp, qarjylandyrýǵa ıe boldy. Jastar endi kıbersportqa arnalǵan alańdardy jasamaqshy.
Semeılik «Poffy Bag» jáne PMÝ jobasy startap jobasy birinshi tapsyrysyn aldy. Olar jıhaz óndirisin qolǵa alsa, jergilikti jastar úsh tildegi ashyq hattar ázirlemek.
Farıda BYQAI,
«Egemen Qazaqstan»
PAVLODAR