2019 jyly 26 naýryzda L.N. Gýmılev atyndaǵy Eýrazııa ulttyq ýnıversıtetiniń rektory, Qazaqstan JOO rektorlar keńesiniń tóraǵasy Erlan Sydyqov Ál-Aın qalasynda Birikken Arab Ámirliginiń Bilim mınıstri Hýsseın Ibragım Ál Hammadımen jáne Birikken Arab Ámirlikteri ýnıversıtetiniń Kansleri Saıd Ahmed Gobashpen kezdesip, áriptestiktiń jańa qyrlaryna qol jetkizdi.
Kezdesýde Erlan Sydyqov Birikken Arab Ámirlikteriniń ýnıversıtetterimen sharttyq qarym-qatynastardyń mańyzdylyǵyn ataı kele, eldegi joǵary bilim berý júıesin jetildirý men bilikti kadrlardy daıarlaýdyń jaı-kúıine basa nazar aýdardy.
- Qazirgi zaman talaby – elimizdegi jastardyń bilimi men biliktiligin arttyrý. Al onyń birden-bir joly bilikti, kásibı maman daıarlaý. Osy turǵydan kelgende qazirgi zamanǵy tehnologııalar men joǵary ınnovasııalyq áleýetke ıe áriptesterimizde bilim alýdyń múmkindigi zor. Birikken Arab Ámirlikteriniń Bilim mınıstri Hýsseın Ibragım ál-Hammadı, Birikken Arab Ámirlikteri ýnıversıtetiniń Kansleri Saıd Ahmed Gobashpen ótken senimdi dıalog kóp josparly birlesken mindettermen nyǵaıtyldy, -dedi Qazaqstan JOO rektorlar keńesiniń tóraǵasy.
Qazaqstan Respýblıkasynyń Birikken Arab Ámirlikterindegi Tótenshe jáne О́kiletti Elshisi Madııar Meńilbekov qatysqan saltanatty sharadaǵy jemisti dıalog qorytyndysy boıynsha Taraptar buryn qoldanylyp kelgen memorandýmǵa Qosymsha kelisim jasady. Qol qoıylǵan kelisimde bakalavrıat, magıstratýra jáne doktorantýra baǵyttary boıynsha bilim berý baǵdarlamalaryn birlesip ázirleý kózdelgen.
Sonymen qatar eki jaqty kezdesý barysynda akademııalyq utqyrlyq baǵdarlamasy aıasynda joǵary oqý oryndarynyń yntymaqtastyǵyn damytý baǵyttary da bar.
Máselen, Eýrazııa ulttyq ýnıversıteti Birikken Arab Ámirlikteri ýnıversıtetimen 2015 jyldan beri yntymaqtastyq baılanysta. Deıturǵanmen, osy sapar barysynda yntymaqtastyq aıasy keńip, qqazaqstandyq ýnıversıtetter úsh deńgeıli oqytý júıesi: bakalavrıat, magıstratýra, doktorantýra boıynsha bilim berý baǵdarlamalaryn birlese ázirleýmen qatar, joǵary bilikti ǵylymı-pedagogıkalyq kadrlar men mamandardy daıarlaý, birlesken ǵylymı-tehnıkalyq zertteýler júrgizetin boldy.
Sonymen qatar, L.N.Gýmılev atyndaǵy Eýrazııa ulttyq ýnıversıtetiniń Biliktilikti jetildirý jáne qosymsha bilim berý ınstıtýty Birikken Arab Ámirlikteriniń ókilderi shetel azamattary úshin orys tilin oqytý boıynsha bilim berý qyzmetterin kórsetedi. Búgingi tańda BAÁ-niń 13 azamaty osy ortalyqta bilim alyp jatyr.
Kezdesý qorytyndysynda sóz alǵan L.N. Gýmılev atyndaǵy Eýrazııa ulttyq ýnıversıtetiniń rektory, Qazaqstan JOO rektorlar keńesiniń tóraǵasy Erlan Sydyqov áriptesterine jyly lebizin bildire kelip, Birikken Arab Ámirlikterinde qazaqstandyq joǵary bilim berý júıesiniń ókilderi úshin alǵash ret osyndaı joǵary deńgeıde ótken aıtýly kezdesý memleketter arasyndaǵy bilim berý qyzmeti salasyndaǵy jemisti dıalog alańyna aınalatynyn jáne bilim berý men ǵylymı yntymaqtastyq salasyndaǵy qatynastardy nyǵaıtýǵa jasalǵan taǵy bir qadam ekenin atap ótti.